លោក Louis Van Gaal បានជឿជាក់ថា វារឿងមួយដែលអាចធ្វើបាន សម្រាប់ក្លិបបិសាចក្រហម Manchester United ដើម្បីលើកពាននៅរដូវកាលនេះ បើទោះបីចាប់ផ្តើម ដោយចំណុចក្រខ្សត់ក៏ដោយនោះ ។
បិសាចក្រហម ក្នុងចំណោម ៨ ប្រកួតមានតែ ១២ ពិន្ទុតែប៉ុណ្ណោះ ដោយស្ថិតនៅលេខរៀងទី ៦ នៃតារាង Premier League ហើយសង្ឈឹមថានឹងឡើងដល់កំពូលតារាងវិញ ជាក់ជាមិនខាន ដោយសតាមរយៈប៉ុន្មានប្រកួតចុងក្រោយ ។
បើទោះបីជាខ្លួនហាក់ដូចជាចាញ់ពីន្ទុឆ្ងាយ ក្លិប តោខៀវ និង ក្លិប មេឃខៀវ ក៏ដោយតែ លោក Louis Van Gaal នៅតែជឿជាក់ថា លោកអាចលើកពាន Premier League បាននៅរដូវកាលនេះ ។
ទន្ទឹមជាមួយនឹងគ្នានេះគ្រូបង្វឹកសញ្ជាតិហុល្លង់បានឲ្យដឹងថា “នៅពេលដែលយើងជួបក្លិបតោខៀវ សម្រាប់ការប្រកួតនៅពេលខាងមុខ ខ្ញុំកំពុងសំឡឹងមើលតាក់តិច ដើម្បីផ្តួចគូប្រកួត ឲ្យខានតែបាន” ។
បញ្ជាក់ផងដែរថា បិសាចក្រហមនៅពេលនេះ ចាញ់ពិន្ទុក្លិបតោខៀវ រហូតដល់ទៅ ១០ ពិន្ទុ និង មេឃខៀវ ៥ ពិន្ទុ ៕
ព័ត៌មានជាតិ
មតិយោបល់