ខេត្តកំពត៖ កាស៊ីណូសាន់ដេ ដែលមានទីតាំងក្នុងច្រកទ្វារអន្តរជាតិព្រែកចាក បច្ចុប្បន្នបាននិងកំពុងបើកស្វាគមន៍ភ្ញៀវជនជាតិខ្មែរ២៤ម៉ោង ហើយការបើកបនល្បែងនេះក៏មានគេលួចទម្លាយថា ម្ចាស់កាស៊ីណូ ឈ្មោះចាន់ វិទូ ពុំទាន់បានរត់ច្បាប់អាជីវកម្មនៅឡើយទេ ដោយគ្រាន់តែបង់លុយប្រចាំខែជូនអាជ្ញាធរដែនដីនិងស្ថាប័នពាក់ព័ន្ធមួយចំនួនប៉ុណ្ណោះ។តាមការលើកឡើងពីមន្ត្រីសមត្ថកិច្ចនៃតំបន់ទល់ដែនខាងលើបានឲ្យដឹងថា សព្វថ្ងៃនេះកាស៊ីណូសាន់ដេកំពុងតែឡើងកូដសម្បើមណាស់ព្រោះបច្ចុប្បន្នក្នុងច្រកទ្វារអន្តរជាតិមានតែកាស៊ីណូតែ២ប៉ុណ្ណោះ គឺកាសីុណូសាន់ដេនិងកាស៊ីណូ ដឺវីមាណ ។ប៉ុន្តែបើយើងប្រៀបធៀបកាស៊ីណូទាំង២គឺកាស៊ីណូសាន់ដេមានភ្ញៀវចូលលេងល្បែងច្រើនជាងគេ ហើយភ្ញៀវទាំងនោះភាគច្រើនជាជនជាតិខ្មែរដែលធ្វើដំណើរមកពីបណ្តាខេត្តមួយចំនួន។គេបានទម្លាយទៀតថា ថ្វីត្បិតកាស៊ីណូសាន់ដេគ្មានច្បាប់ទម្លាប់បែបនេះក៏ដោយ ប៉ុន្តែម្ចាស់កាស៊ីណូហាក់ដូចជាមានអំណាចខ្លាំងក្លាដោយបានរៀបចំឲ្យមានផ្នែកសន្តិសុខយាមកាមដ៏តឹងរឹង ដោយពុំមានអ្នកណាហ៊ានចូលទៅជ្រៀតជ្រែកបានឡើយ។ម្យ៉ាងទៀតកាស៊ីណូសាន់ដេក៏ពុំអនុញា្ញតិ្តឲ្យអ្នកសាពត៌មាននៃអង្គភាពណាមួយចូលក្នុងបរិវេណកាស៊ីណូបានឡើយ ព្រោះនៅទីនោះមានសន្តិសុខឈរត្រៀបត្រាចាំឃ្លាំមើលគ្រប់វិនាទី សូម្បីអ្នកដំណើរមកពីឆ្ងាយក៏ត្រូវការឆែតឆេរនិងសួនាំផងដែរ។មន្ត្រីដដែលបានបង្ហើបទៀតថា ក្នុងកាស៊ីណូសាន់ដេមានបំពាក់ឧបករណ៍ប្រើដោយអេឡិចត្រូនិចសុទ្ធតែទំនើប ដោយប្រើសារធាតុញៀនបើអ្នកណាចូលលេងហើយ គឺមិនចង់ចេញវិញទេ ព្រោះនៅក្នុងនោះមានអាហារនិងគ្រឿងបរិភោគគ្រប់ប្រភេទសម្រាប់បម្រើសេវាជូនភ្ញៀវលេងល្បែងទាំងយប់ទាំងថ្ងៃគ្មានឲ្យទាស់ចិត្តឡើយ ហើយល្បែងគ្រប់ប្រភេទនៅទីនោះពោរពេញដោយល្បិចស៊ីលុយស្រស់ៗ ដោយបានធ្វើឲ្យក្រុមភ្ញៀវទាំងជនបរទេសនិងពលរដ្ឋខ្មែរជាច្រើនត្រូវលង់ខ្លួនដោយសារចាញ់ល្បែងក្នុងកាស៊ីណូនោះស្ទើដកខ្លួនមិនរួច។ចំពោះការបើកបនល្បែងខាងលើនេះ គេមិនដឹងថា លោក ចាន់ វិទូ បង់លុយក្នុងខ្ទង់កំរិតណាដល់ស្ថាប័នពាក់ព័ន្ធនោះទេ ទើបហ៊ានបើកលេងគ្មានច្បាប់ទម្លាប់បែបនេះ ហើយកន្លងមកបើតាមប្រសាសន៍របស់ប្រមុខរាជរដ្ឋាភិបាលកម្ពុជា ក៏បានព្រមានដល់ម្ចាស់ឬថៅកែ កាស៊ីណូនានាគឺមិនអនុញ្ញាតិ្តឲ្យពលរដ្ឋខ្មែចូលលេងល្បែងក្នុងកាស៊ីណូនោះឡើយ ប៉ុន្តែកាស៊ីណូសាន់ដេរបស់លោក ចាន់ វិទូ បែរជាស្វាគមន៍ពលរដ្ឋខ្មែរឲ្យចូលលេងល្បែងស៊ីសងយ៉ាងភ្លូកទឹកភ្លូកដី ២៤ម៉ោងលើ២៤ម៉ោងទៅវិញ។ទាក់ទិននឹងពាក្យចចាមអារាមថាកាស៊ីណូសាន់ដេគ្មានច្បាប់ទម្លាប់នោះ នៅព្រឹកថ្ងៃទី២០ខែកញ្ញា ឆ្នាំ២០១៤នេះអ្នកសារព័ត៌មានយើង ពុំអាចសុំការអធិប្បាយណាមួយពីលោក ចាន់ វិទូ ថៅកែកាស៊ីណូ សាន់ដេ បានឡើយ៕
ព័ត៌មានជាតិ
មតិយោបល់