អង់គ្លេស៖ខ្សែប្រយុទ្ធរបស់ក្លិប តោខៀវ Chelsea កីឡាករ Diego Costa ត្រូវបានគេរាយការណ៍ថា លោកបានទទួលព្យាបាលនៅមន្ទីរពេទ្យ ក្រោយមកពីបំពេញកាតព្វកិច្ចនៅប្រទេសអេស្ប៉ាញ ជាមួយនឹងបញ្ហាក្រពះដ៏ធ្ងន់ធ្ងរ ។
កីឡាករវ័យ ២៦ ឆ្នាំ ដែលត្រូវបានគេលុបឈ្មោះចេញពី ការប្រកួតក្នុងក្របខណ្ឌ UEFA Champions League ខណៈដែលក្លិបខ្លួនលុតដៃគូយ៉ាងចាស់ដៃ ដោយលទ្ធផល ៦ ទល់នឹង ០ កាលពីរាត្រីថ្ងៃអង្គារ ។
ប្រភពព័ត៌មានក្នុងប្រទេសអង់គ្លេស បានបញ្ជាក់ថា កីឡាករ Costa ដែលជួយឲ្យក្រុមអេស្ប៉ាញ យកឈ្នះក្លិប Luxembourg លទ្ធផល ៤ – ០ កាលពីថ្ងៃអាទិត្យ នៅពេលនេះ បានចូលព្យាបាលជំងឺនៅមន្ទីរពេទ្យ ។
ក្លិបតោខៀវ ដែលស្ថិតនៅភាគខាងលិចនៃទីក្រុងឡុងដ៏ មិនបានចេញសេចក្តីថ្លែងការណ៍ណាមួយ លើបញ្ហានេះនៅឡើយ ដោយសង្ស័យនឹងអាកខានកីឡាករនេះ ប្រកួតជាមួយនឹង បិសាចក្រហម នៅថ្ងៃ អាទិត្យ សប្តាហ៍នេះ។
បញ្ជាក់ផងដែរថា កីឡាករសញ្ជាតិអេស្ប៉ាញ កាត់ប្រេស៊ីល បានហោះហើរមកលេងឲ្យ ពហុកីឡដ្ឋាន Stamford Bridge ដោយរកគ្រាប់បាល់បាន ៩ គ្រាប់ ក្នុងចំណោម ៧ ប្រកួតនៅ Premier League លេងក្រោមការគ្រប់គ្រងរបស់អ្នកយុទ្ធសាស្ត្រទីលានដ៏ខ្លាំងក្លាសញ្ជាតិព័រទុហ្គាល Jose Mourinho ៕
មតិយោបល់