ខណៈពេលដែលបណ្ដាញទំនាក់ទំនងសង្គម Facebook កើនឡើងអ្នកប្រើប្រាស់រហូតដល់ជាង ១,៣២ពាន់លាននាក់នោះ Twitter បានកើនឡើងត្រឹមតែ ២៨៤លាននាក់ប៉ុណ្ណោះ។
យោងតាមរបាយការណ៍របស់ Twitter បានឲ្យដឹងថា ៨០ភាគរយនៃអ្នកប្រើប្រាស់សរុប បានប្រើ Twitter នៅលើស្មាតហ្វូន។ នេះមានន័យថា អ្នកប្រើ Twitter ជាច្រើនអនឡាញ និងបង្ហោះសារតាមរយៈស្មាតហ្វូន។
បើទោះបីជាអ្នកប្រើប្រាស់សរុបនៅក្នុងត្រីមាសទី៣ ធ្លាក់ចុះបន្ដិចក្តី ប៉ុន្តែ Twitter បានអរគុណចំពោះ World Cup 2014 នៅប្រេស៊ីល ដែលបានជួយជំរុញឲ្យអ្នកប្រើកើនឡើង ២៤ភាគរយ នៅក្នុងរយៈពេល១ខែនៃព្រឹត្តិការណ៍។
គួរបញ្ជាក់ផងដែរថា Facebook ក៏មានអ្នកប្រើប្រាស់នៅលើស្មាតហ្វូនច្រើនផងដែរ ដោយកាលពីខែមុននេះ Facebook បានបញ្ជាក់ថា ជាង ៦០ភាគរយបានប្រើនៅលើស្មាតហ្វូន៕
ព័ត៌មានជាតិ
មតិយោបល់