ភ្នំពេញ៖បុរសម្នាក់ចេញពីផឹកស៊ីនៅភោជនីដ្ឋានផ្កាភ្នំស្រវឹងដើរទៅដួលផ្អែកនិងកញ្ចក់រថយន្ត របស់គេសន្តិសុខក្រឡេកមកឃើញស្មានតែចោរកាច់កញ្ចក់ក៏ចាប់ចងដៃវាយទ្រោមខ្លួនបង្កឲ្យមាន ការភ្ញាក់ផ្អើលដល់ប្រជាពលរដ្ឋនិងសមត្ថកិច្ច មកមើលកន្លែងកើតេហតុ។ ហេតុការណ៍នេះកើត នៅវេលម៉ោង ១០ ថ្ងៃទី២៧ខែតុលា ឆ្នាំ២០១៤ នៅចំនុចភោជនីដ្ឋានផ្កាភ្នំ ដែលស្ថិតនៅតាមបណ្តោយ ផ្លូវលេខ២៨៩កែង និង ផ្លូវលេខ៥៦៦ សង្កាត់បឹងកក់១ ខណ្ឌទួលគោក។
តាមសំដីពីប្រជាពលរដ្ឋដែលបានឃើញហេតុកាណ៍នៅកន្លែងកើតហេតុបានឲ្យដឹងថានៅ មុនពេលកើតហេតុគេបានឃើញបុរសម្នាក់ស្រវឹងដើរចេញពីភោជនីដ្ឋានផ្កាភ្នំបានដើរទៅដួលផ្អែកនិង កញ្ចក់រថយន្តមួយគ្រឿងម៉ាក ស៊ី អរ វី ពណ៌ស មិនស្គាល់ស្លាកលេខ ដែលចតចោលនៅកន្លែង កើតហេតុ បន្ទាប់មកសន្តិសុខដែលយាមរថយន្ត បានក្រឡេកមកឃើញបុរសម្នាក់កំពុងតែទ្រាបខ្លួនលើ កញ្ចក់រថយន្ត ក៏នឹកស្មានថាជាចោរកំពុងតែកាច់កញ្ចក់រថយន្តក៏បានស្ទុះទៅឃាត់និងចាប់ចងដៃ វាយមួយប្រាវ បានបង្កឲ្យមាន កាភ្ញាក់ផ្អើលដល់ប្រជាពលរដ្ឋនិងសមត្ថកិច្ច មកមើល កន្លែងកើតហតុ។
ក្រោយពេលកើតហេតុសមត្ថកិច្ចបានចុះធ្វើការអន្តរាគមន៍ដល់កន្លែងកើតហេតុនិងនាំខ្លួន បុរសដែលជាសន្តិសុខ និង បុរសស្រវឹងម្នាក់ដែលផ្អែកលើកញ្ចក់រថយន្តគេ យកទៅប៉ុសិ៍នគបាល បឹងកក់១ ដើម្បីសាកសួរ ចំណែកម្ចាស់រថយន្តបានបើករថយន្តចេញពីកន្លែងកើតហេតុបាត់ទៅ៕
មតិយោបល់