ភ្នំពេញ៖ តារាកំប្លែងវ័យក្មេង ដែលមានទឹកដមសំនៀងក្រអួនក្រអៅ និងវោហាស័ព្ទ កំប្លែងដ៏ប៉ិនប្រសព្វ ក្តោបបានតួឯកខ្មោច ជាលើកដំបូង ក្នុងអាជីពសិល្បៈប៉ុន្មានឆ្នាំមកនេះ ដែលជួយជ្រោមជ្រែងប្រជាប្រិយភាពរបស់ខ្លួនថែមមួយអន្លើទៀត ។
វត្តមានថ្មី ក្នុងរឿង “ខ្មោចអាសង្ហារ” របស់នាយ ជើម ជាតួឯកខ្មោច និងមានការចូលរួមសម្តែង ពីតារាកំប្លែងចាស់ថ្មី បានញ៉ាំងឲ្យផ្ទៃរឿងទាំងមូល កក្រើក សើច សើចរហូតចុកពោះ មិនចាញ់រឿងប្រទេសជិតខាង និង រឿងក្នុងស្រុកល្បីៗមួយចំនួនឡើយ ។ ជាមួយនឹងព័ត៌មាននេះ បានធ្វើឲ្យអ្នកដែលគាំទ្រ តារាកំប្លែងវ័យក្មេង មានដើមកំណើតនៅ កំពង់ស្ពឺ សប្បាយរីករាយ និងត្រេកអរ ដែល នាយ ជើម អាចក្តោបបាន តួឯកខ្មោច ជាពិសេសសកម្មភាពសម្តែងដ៏ប៉ិនប្រសព្វនោះ ។
រឿង”ខ្មោចអាសង្ហារ” នេះនឹងវាយលុករោងកុន លីជេន នៅថ្ងៃទី ១៣ ខែ វិច្ឆិកា ខាងមុខនេះ នឹងធ្វើឲ្យរោងកុន ក្លាយជាកន្លែងព្រឺព្រួច និងសើចចុកពោះ មិនចេះរីងស្ងួត ជាក់ជាមិនខានឡើយ ៕
ទស្សនាឃ្លិបដូចខាងក្រោមនេះ ៖
មតិយោបល់