ភ្នំពេញ៖ តារាជើងចាស់ កំប្លែងអាយ៉ៃ ព្រហ្ម ម៉ាញ គឺជាតារាអាយ៉ៃមួយដួង ដែលមានប្រជាប្រិយភាព មិនបាក់ស្រុត ជាមួយនឹងភាពបត់បែន ដ៏ប៉ិនប្រសព្វក្នុងការច្រៀងបទ អាយ៉ៃ ដោយមានទស្សនិកជនក្នុងស្រុក និង ក្រៅស្រុក ទទួលស្គាល់ភាពជោគជ័យរបស់លោក ។
គេនៅមិនទាន់ឃើញមាន តារាដួងណា ដែលអាចច្បាមកេរ្តិ៍ឈ្មោះ ល្បីល្បាញ និងច្រៀងអាយ៉ៃពូកែដូចលោក នោះទេ បើទោះបីជា ពិធីករ និងជាអ្នកចាប៉ី ដួង សុខគា អាចធ្វើបាន តែហាក់មិនសូវចាប់អារម្មណ៍ ។
ក្រៅពី នាយ ដួង សុខគា នៅមានតារាកំប្លែងមួយទៀត ដែលត្រូវបានគេលួចបង្ហើប ឲ្យដឹងថា គ្រោងនឹងដណ្តើម និងស្នងតំណែង លោក ព្រហ្ម ម៉ាញ នោះគឺ តារាកំប្លែង និងតារាចម្រៀងដ៏ល្បីល្បាញ លោក ចែម ចាន់តារា ហៅនាយ ពែកមី គ្រោងនឹងចាប់អាជីពនេះ ពីលើថែមទៀត បន្ទាប់ពីជោគជ័យលើថ្នាល់សិល្បៈ និង ជោគជ័យច្រៀងតាមរោងការនានា នោះ ។
កាបោះជំហានដណ្តើមតំណែង លោក ព្រហ្ម ម៉ាញ នេះ គេសំឡឹងឃើញថា នាយ ពែកមី អាចធ្វើទៅរួច ព្រោះដុង កំប្លែង របស់នាយ នឹងជួយជំរុញ ការច្រៀង រហ័សវាងវៃ ជាមួយនឹងការលេបខាយពាក្យសម្តី នៅក្នុង ចម្រៀងអាយ៉ៃ តែទាស់ត្រង់ថា មិនដឹងបានដៃគូស្រីណា ដែលមានសមត្ថភាពដូច យាយ យ៉យ នោះ ។
ប្រភពបានទម្លាយថា “នាយ ពែកមី ក្នុងអាជីពសិល្បៈ ចេះសឹងគ្រប់ទៅហើយ ក្រោយប្រឡូកចូល អាជីបជាតារាកំប្លែង ក្រោយមកក្លាយជាតារាចម្រៀង និងចុងក្រោយក្លាយជាអ្នកដឹកនាំរឿងទៀត នៅខ្វះចន្លោះអ្វី ដែលនាយរូបនេះ ធ្វើមិនបានទៅ ។ ក្រៅពីនេះ នាយ ពែកមី គ្រោងនឹងចាប់អាជីប ជាតារាចម្រៀង អាយ៉ៃមួយទៀត ដើម្បីជ្រែងយកតំណែង លោក ព្រហ្ម ម៉ាញ “ ។
បើសិនជាយើងផ្ទៀងទៅនឹងសម្តី ខាងលើ យើងអាចនិយាយបានថា ដោយសារតែវីដេអូ ឃ្លិបមួយសម្តែងក្នុងកម្មវិធីផ្ទះលោកតា នាយ ពែកមី បានច្រៀង បទចម្រៀងអាយ៉ៃ ទើបមានការលើកឡើងដូចខាងលើ ។ ជុំវិញ ករណីនេះ យើងមិនអាចទំនាក់ទំនង ទៅកាន់នាយ បានទេ ដើម្បីសាកសួរ លើបញ្ហានេះ ខណៈ ទូរស័ព្ទ នៅព្រឹកនេះ ខលទៅ មិនចូល ៕
ទស្សនាឃ្លិបដូចខាងក្រោមនេះ ៖
មតិយោបល់