ភ្នំពេញៈ បុរសដែលជាជនសង្ស័យម្នាក់ត្រូវបានប្រជាពលរដ្ឋស្វាគមន៍ម្នាក់មួយដៃម្នាក់មួយជើង ក្រោយធ្វើសកម្មភាពបន្លំកាច់ កម៉ូតូក្នុងហាងកាហ្វេ ដែលស្ថិតនៅក្នុងបុរីពិភពថ្មី ភូមិត្រពាំងគល់ សង្កាត់កន្ទោក ខណ្ឌពោធិ៍សែនជ័យ កាលពីវេលាម៉ោង១១ ថ្ងៃទី២៥ ខែសីហា ឆ្នាំ២០១៨ ។
តាមប្រជាពលរដ្ឋបានឲ្យដឹងថា ជនសង្ស័យខាងលើត្រូវបានប្រជាជននិងអាជីវករដែលលក់ដូរក្នុងផ្សារបុរីពិភពថ្មីខាងលើខឹងយ៉ាងខ្លាំង ក្រោយពីធ្វើសកម្មភាពលួចកាច់សោកម៉ូតូ មិនបានសម្រេចឃើញទាន់ស្រែកឆោឡោ នាំគ្នាចាប់បាន ស្វាគមន៍ម្នាក់មួយដៃ មួយជើង រួចប្រគល់ឲ្យទៅសមត្ថកិច្ច ។
ប្រភពដដែលបានបន្តទៀតថា មុនពេលកើតហេតុជនសង្ស័យនេះមិនដឹងធ្វើដំណើរមកពីណាទេ បានមកហូបកាហ្វេក្នុងផ្សារបុរីពិភពថ្មី បានបន្លំលួចកាច់ម៉ូតូ ម៉ាក ហុងដា សេ១២៥ ស៊េរី២០១៨ បានសម្រេចហើយបម្រុងជិះចេញ ក៏ត្រូវបានម្ចាស់ម៉ូតូឃើញទាន់ស្រែកឆោឡោទើបចាប់បានតែម្តង នាំគ្នាដេញចាប់ បញ្ចេញកំហឹង រួចប្រគល់ទៅឲ្យសមត្ថកិច្ចចាត់ការតាមច្បាប់ ។
សមត្ថកិច្ចបានឲ្យដឹងថា ជនសង្ស័យខាងមានឈ្មោះ សុខ ចាន់ណា អាយុ៣៣ឆ្នាំ មានទីលំនៅមិនប្រាកដ មានស្រុកកំណើតនៅខេត្តកំពត ។ ជនសង្ស័យខាងលើបានសារភាពថាខ្លួនពិតជាបានធ្វើសកម្មភាពកាច់កម៉ូតូពិតប្រាកដមែន ។ សមត្ថកិច្ចបានដកហូតសម្ភារៈវត្ថុតាង សោ កាច់កម៉ូតូ១ឈុតទៀតផង ។
ក្រោយពេលកើតហេតុ ជនរងគ្រោះជិះម៉ូតូត្រលប់ទៅផ្ទះបាត់ ដោយមិនបានទៅដាក់ពាក្យបណ្តឹងនៅប៉ុស្តិ៍នគរបាលទេ ។ តែទោះយ៉ាងណាក៏ដោយសមត្ថកិច្ចបាននាំខ្លួនជនសង្ស័យទៅកាន់ប៉ុស្តិ៍នគរបាលកន្ទោក ដើម្បីធ្វើការសាកសួរ និងកសាងសំណុំរឿងបញ្ជូនទៅអធិការដ្ឋាននគរបាលខណ្ឌពោធិ៍សែនជ័យ ចាត់ការតាមនិតិវិធី ៕
មតិយោបល់