តារាចម្រៀង Miley Cyrus ត្រូវបានគេប្រមាញ់រូបបាន ឡើងទៅកាន់គេហដ្ឋានតារាសម្តែងវ័យក្មេង Patrick Schwarzenegger ដែលត្រូវជាកូនតារាសាច់ដុំ និងជាអតីតចៅហ្វាយក្រុង រដ្ឋកាលីហ្វ័រញ៉ា អាណុល ។
កាលពីថ្ងៃទី ៣១ ខែ តុលា កន្លងទៅ តារាចម្រៀងសិចស៊ី Miley Cyrus បានឡើងផ្ទះ តារាសម្តែង Patrick Schwarzenegger តែម្នាក់ឯង ពោលគឺ ១ ទល់នឹង ១ ក្នុងផ្ទះល្វែងដ៏ធំ នាទីក្រុងឡូអេនជើឡេស ។ ប្រភពបានឲ្យដឹងថា នាងបានឡើងទៅកាន់ផ្ទះតារាសម្តែងខាងលើ ជាច្រើនម៉ោង ទំនងជាបង្កាត់ភ្លើងស្នេហ៍ ដ៏ក្តៅរោលរាល ហើយមួយសន្ទុះក្រោយ គេឃើញអ្នកទាំងពីរដឹកដៃគ្នាចេញ ។
វាមិនមែនជារឿងចម្លែកអ្វីណាស់ណាដែរ កាលពី ៣ ឆ្នាំកន្លងទៅ នាង Selena Gomez ជាតារាមានស្នេហាមិនសមប្រកប ក៏បានណែនាំឲ្យ អ្នកទាំងពីរ ទាក់ទងគ្នាផងដែរ ក្នុងន័យស្នេហា ។ ទន្ទឹមជាមួយនឹងគ្នា កាលពីឆ្នាំ ២០១១ Patrick បានធ្វើបទសំភាស ជាមួយនឹងទស្សនាវដ្តី Details ដោយនិយាយមិនស្ទាក់ស្ទើរឡើយថា នាង Miley ធ្លាប់ជាតារាក្នុងដួងចិត្តខ្លួន ដោយតែងតែរក្សានាងក្នុងកែវភ្នែកជានិច្ច ។
បញ្ជាក់ផងដែរថា Patrick Schwarzenegger គឺជាកូនប្រុស តារាសាច់ដុំ រឿង Terminator លោក Arnold Schwarzenegger ដោយលោកជាតារាសម្តែង និងជាតារាម៉ូដែល ៕
មតិយោបល់