កំពង់ធំះ សកម្មភាពរបស់អ្នកនេសាទខុសច្បាប់នៅក្នុងបឹងប្រទះជៀល ស្ថិតក្រោមការគ្រប់គ្រង របស់លោក សៅវណ្ណ សេរីវុទ្ធ នាយសង្កាត់រដ្ឋបាលជលផលកំពង់ស្វាយ បានកើនឡើងពេញផ្ទៃទឹក បណ្តែតបណ្តោយឲ្យមានការដាក់បទល្មើសសម្រាស់ ត្រៀបត្រាដោយមិនខ្វល់ការបង្ក្រាប ប្រឆាំនិង
ប្រសាសន៍ប្រមុខរាជរដ្ឋាភិបាល។
ទិដ្ឋភាពបទល្មើសនេសាទ បានធ្វើសកម្មភាព ដាក់សម្រាស់នៅក្នុងបឹងប្រទះជៀល ស្ថិតនៅក្នុងឃុំសានគរ ស្រុកកំពង់ស្វាយ ខេត្តកំពង់ធំ. ត្រូវបានដាក់បណ្តែតពេញផ្ទៃទឹក ដើម្បីប្រមូលត្រីចូលទៅក្នុង
សម្រាស់ហើយបានយកមោងមកក្រសោបយកត្រីដែលនៅក្នុងសម្រាស់ ទើបរាជរដ្ឋាភិបាលបានមានប្រធានការដាក់នៅក្នុងច្បាប់ជលផល ដោយហាមឃាត់មិនឲ្យមានការ ដាក់សម្រាស់ ដាក់មោង ដែលលើសប្រវែងកំណត់ ដាក់ព្រួលកាត់បឹង ស្ទឹង ព្រែកដែលជាការខុសច្បាប់ ដោយសារបទល្មើសទាំងនេះ
បានរារាំងចរាចរណ៍ត្រី. តែបែរជាលោក សៅ វណ្ណះ សេរីវុទ្ធ បើកភ្លើងខៀវដោយមិនខ្វល់ពីច្បាប់ និង
ការបង្ក្រាប។
តាមប្រភពពត៍មានពីប្រជានេសាទបានឲ្យដឹងថា ក្រុមរបស់ពួកគាត់ បាននេសាទមោងនេះគឺបានទទួលការអនុញ្ញាតិពីនាយសង្កាត់កំពង់ស្វាយ ត្រឹមតែប្រវែង៣០ម តែពួកគាត់បានប្រើប្រាស់រហូតដល់
១១០ទៅ១២០មនេះ គឺដោយសារតែបានបង់ជូនលោក សៅវណ្ណ សេរីវុទ្ធ នាយសង្កាត់កំពង់ស្វាយ
ក្ុងមួយវង់២លានរៀល ចំនួន៨វង់ ស្មើរនឹង១៦លានរៀល ដើម្បីឲ្យលោកនាយសង្កាត់នាំយកលុយ
នេះទៅធ្វើការផាកពិន័យ ជាមុនដើម្បីធ្វើការនេសាទបន្ត ចំណែកលុយ១៦លានរៀលនេះទុកជាសំអាង
ថាបើមានបញ្ហារគឺជលផលថា បានផាកពិន័យរួចរាល់ហើយ ចំណែកពួកគាត់ក៏នៅតែរកដដែល។
តាមការឲ្យដឹងពីលោក ប៉ែន វណ្ណរិទ្ធ នាយខណ្ទរដ្ឋបាលជលផលកំពង់ធំ បានឲ្យដឹងថា ក្រោយពីលោកវិលត្រឡប់មកពីភ្នំពេញវិញ ស្រាប់តែឃើញមានសំនុំរឿងផាក់ពិន័យដែលមានទឹកលុយចំនួន
១៦លានរៀលពីសង្កាត់កំពង់ស្វាយ ដោយពុំបានដឹងថា ការចាប់បទល្មើសនៅពេលណាដែរ តែចំណែកការរឹបអូសយកវត្ថុតាំង មានឧបករណ៍ខ្លះគ្រាន់តែធ្វើកិច្ចសន្យាបញ្ឈប់ពុំបានរឹបអូសយកទេ
ចំណែកបទល្មើសសម្រាស់លោកនិងបញ្ជារឲ្យកំលាំង ចុះបង្ក្រាបឲ្យអស់ ដោយមិអោយមាននៅសេសសល់។
លោក អុិត សុធា ព្រះរាជអាជ្ញាអមសាលាដំបូង ខេត្តកំពង់ធំ បានឲ្យដឹងថា ការទទួលយកលុយពី
បទល្មើសយកមកផាកពិន័យនេះ ដោយពុំមានការបង្ក្រាបនេះ ពិតជាចម្លែកនិងខុសប្រកតី លោកបាន
បន្តថា ការផាកពិន័យលុះត្រាតែ ការចុះបង្ក្រាបនូវភាពជាក់ស្តែង. ហើយចាប់បានវត្ដុតាង រួចឲ្យម្ចាស់
ឧបករណ៍ ចូលខ្លួនផាកពិន័យតាមច្បាប់ ចំណែកវត្ថុតាងដែលត្រូវរឹបអូសឬក៏អត់នោះ គឺប្រគល់ឲ្យ
ជំនាញ៕
មតិយោបល់