កំពង់ធំ៖ ឯកឧត្តម មេបញ្ជាការតំបន់ប្រតិបត្តិការសឹករងកំពង់ធំ ព្រមទាំងថ្នាក់ដឹកនាំ បានដឹកនាំកម្លាំងយោធាជាង ១០០ នាក់ ចុះសំអាតទីធ្លាបរិវេណជុំវិញ វិមានរំលឹកគុណយុវជនពលីសម័យសង្គ្រាម និងមានការចូលរួមពីសំណាក់ មន្ត្រីរាជការ កម្លាំងទាំង៣ប្រភេទ និងមន្ទីរជុំវិញខេត្តកំពង់ធំ ដើម្បីត្រៀមនឹងប្រារព្វពិធីទិវាបុណ្យឯករាជជាតិ និងខួបកំណើតលើកទី៦១ នៃថ្ងៃកំណើតកងយោធពលខេមរៈភូមិន្ទ ៩ វិឆ្ឆិកា ១៩៥៣ និង៩វិឆ្ឆិកា២០១៤ ដែលនិងប្រព្រឹត្តទៅនាថ្ងៃខាងមុខនេះ ។
កាលចុះធ្វើពលកម្មនេះ គឺត្រូវបានធ្វើឡើងនៅព្រឹកថ្ងៃទី ០៣ ខែ វិឆ្ឆិកា ឆ្នាំ ២០១៤ ស្ថិតនៅក្នុងបរិវេណវិមាន រំលឹកគុណយុវជនពលី និងត្រូវបានចូលរួមធ្វើពលកម្មសំអាត ជារៀងរាល់ឆ្នាំដើម្បីជាការតបស្នងនូវគុណូបការៈ របស់យុវជនដ៏អង់អាចក្លាហាន ហ៊ានពលីជីវិតដើម្បីបុព្វហេតុការពារមាតុភូមិ ការពារព្រះមហាក្សត្រ និងដណ្តើមយកសន្តិភាពជូនប្រជាពលរដ្ឋខ្មែរទូទាំងប្រទេស ។
ជាពិសេសដោយមានការយកចិត្តទុកដាក់របស់ ឯកឧត្តម អ៊ុត សំអាន អភិបាលខេត្តកំពង់ធំ និងជាប្រធាន គណៈបញ្ជាកាឯកភាពខេត្តបាន ឯកភាពឲ្យមន្ត្រីរាជការ កម្លាំងគ្រប់ស្ថាប័ន ចូលរួមសំអាតបរិវេណវិមានរំលឹកគុណយុវជនពលី ដែលបាន ពលីកាលសម័យសង្គ្រាម ដែលមានតាំងតែថ្នាក់ដឹកនាំ រហូតដល់ពលទាហាន បានស្លាប់ ហើយបានបញ្ចុះនៅទីនេះ ។
ឯកឧត្តម ឧត្តមសេនីយ៍ត្រី សោម ស៊ុន មេបញ្ជាកាតំបន់ប្រតិបត្តិការសឹករងកំពង់ធំ បានមានប្រសាសន៍ថាដោយទទួលបានការ ណែនាំពីឯកឧត្តម ឧត្តមសេនីយ៍ឯក ជា ម៉ន មេបញ្ជាការងកងយោធពលខេមរៈភូមិន្ទ និងជាមេបញ្ជាកាយោធភូមិភាគទី៤ និងមានការឯកភាពពីឯកឧត្តម អ៊ុ សំអន អភិបាលខេត្ត ប្រធានគណៈបញ្ជាការឯកភាពខេត្ត បានឲ្យកំម្លាំងចំណុះឲ្យតំបន់សឹកជាង១០០នាក់ រួមជាមួយតាមបណ្តាមន្ទីរជុំវិញខេត្ត និងកម្លាំងប្រដាប់អាវុធទាំង៣ ចុះធ្វើពលកម្មសំអាតធ្វើអានាម័យក្នុងបរិវេណ វិមានរំលឹកគុណយុវជនពលី ដែលបានពលីជីវិតក្នុងបុព្វហេតុ ការពារទឹកដីនេះ ក្នុងគោលបំណង់ការធ្វើពលលកម្មថ្ងៃនេះ គឺក្នុងគោលបំណងអបអរសាទរ ទិវាបុណ្យឯករាជជាតិ និងជាខួបកំណើទលើកទី៦១ របស់កងយោធពលខេមរៈភូមិន្ទ និងមានគំរោងគោរព្វ និងធ្វើពិធីដ៏ធំនៅវិមានរំលឹកខួបយុវជនពលីសម័យសង្គ្រាមនេះ ៕
មតិយោបល់