អេស្ប៉ាញ៖ ក្លិបអធិរាជស Real Madrid បានវិលត្រឡប់ទៅគ្រប់គ្រងកំពូលតារាក្នុងក្របខណ្ឌ La Liga សារជាថ្មីម្តងទៀតហើយ កាលពីរាត្រីទៀបភ្លឺ ថ្ងៃសៅរ៍ សប្តាហ៍នេះ ដោយលុតក្លិប Rayo Vallecano ដោយលទ្ធផល ៥ ទល់នឹង ១ នៅពហុកីឡដ្ឋាន Bernabeu ។
កាលពីថ្ងៃទី ៨ ខែ វិច្ឆិកានេះដែរ ក្លិប Barcelona អាចយកឈ្នះគូប្រកួត Almeria ទាំងប្រផិតប្រផើយ ដោយគ្រាប់បាល់ ២ ទល់នឹង ១ តែប៉ុណ្ណោះ ។
សម្រាប់គ្រាប់បាល់ Real Madrid ដំបូងរកបានដោយកីឡាករ ងើបពីរបួស Gareth Bale នៅនាទី ទី ៩ និងនាទី ៤០ ដោយ Sergio Ramos ។ ក៏ប៉ុន្តែនៅនាទី ៤៤ កីឡាករ Alberto Bueno របស់ Rayo Vallecano មានឱកាសបំបែកពងមាន់ ក្លិប Real Madrid វិញ ។ នៅនាទី ៥៥ Toni Kroos បានជួយឲ្យក្លិប Real Madrid ឈ្នះដោយសុវត្ថិភាព ដោយលទ្ធផល ៣ ទល់និង ១ ខណៈដែល កីឡាករសញ្ជាតិបារាំង Karim Benzema រកបានគ្រាប់បាល់នៅនាទី ៥៨ និង Cristiano Ronaldo រកបាននៅនាទី ៨៣ ជាគ្រាប់បាល់បញ្ចប់យកឈ្នះដោយលទ្ធផល ៥ ទល់នឹង ១ ឡើងទៅកាន់កំពូលតារាង ដោយមានពិន្ទុ ២៧ ហើយ Barcelona ២៥ ក្នុងចំណោម ១១ ប្រកួតដូចគ្នានោះ ៕
ទស្សនាឃ្លិបដូចខាងក្រោម រងចាំ ១០ វីនាទី នោះ ឃ្លិបវីដេអូនឹងដំណើរការដោយខ្លួនឯង ៖
Real Madrid 5 – 1 Rayo Vallecano
Almeria 1 – 2 Barcelona
មតិយោបល់