ខេត្តព្រះសីហនុ៖ កាលពីព្រឹកថ្ងៃទី១១ ខែ វិច្ឆិកា ឆ្នាំ២០១៤ ខណ្ឌរដ្ឋបាលជលផលកំពង់សោម បាននាំយកប្រអប់ថ្មជម្រកសិប្បនិមិ្មត ទៅទម្លាក់ នៅក្មុងដែននេសាទសហគមន៌ព្រៃនប់២ ស្ថិតនៅមុខឃ្លងព្រែកកំពង់ចិន ភូមិទួលសង្កែ ឃុំទឹកថ្លា ស្រុកព្រៃនប់ ខេត្តព្រះសីហនុ ដោយមានការចូលរួមពីឯកឧត្តម យុទ្ធ ភូថង រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ ។
លោក នេន ចំរើន នាយខណ្ឌរ្ដឋបាលជលផលកំពង់សោម មានប្រសាសន៍អោយដឹងថា ជម្រកថ្មសិប្បនិម្មិត ដែលយើងយកមកទំលាក់នាពេលនេះ មាន១០ដុំ ធ្វើអំពីបេងតុង មានទំហំ ១m x ១m ក្នុង១ដុំមានទម្ងន់ ៥៤៨គីឡូក្រាម ដើម្បីការពារកន្លែងបន្តពូជរបស់គ្រែងឈាម ទប់ស្កាត់បទល្មើសនេសាទគ្រែងឈាមបានមួយកំរិត ព្រមទាំងធ្វើការបែងចែកតំបន់អភិរក្ស និងតំបន់ធ្វើនេសាទគ្រែងឈាម និង ជាជម្រកសុវត្ថិភាពតាមមច្ឆាជាតិ។ ការទម្លាក់ថ្ម សិប្បនិម្មិត ដើម្បីបង្កើនជីវភាពប្រជានេសាទ គ្រែងឈាម អោយមានការកើនឡើង ធានាបាននិរន្តរភាពគ្រែងឈាមនាពេលអនាគត ក្នុងការធ្វើនេសាទដោយដៃ សម្រាប់ដោះស្រាយជីវភាពប្រចាំថ្ងៃរបស់ប្រជានេសាទអចិន្ត្រៃយ៍ ៤ ភូមិ គឺ ភូមិព្រែកប្រស់ ព្រៃសង្កែរ ព្រែកទាល់ និងភូមិកំពង់ចិន ក្នុងឃុំទឹកថ្លា ស្រុកព្រៃនប់ ។ ប្រជានេសាទដោយប្រយោលមាន ២ភូមិ គឺភូមិជម្ពូរខ្មៅ ភូមិកោះខ្យង ឃុំទួលទទឹង ឃុំអូរជ្រៅ ស្រុកព្រៃនប់ ខេត្តព្រះសីហនុ នៅឆ្នាំ ២០០៦ រហូតដល់២០០៩ សហគមន៍នេសាទ បានទទួលការគាំទ្រពីអង្គការស៊ីហ្វនិច បានបង្កើតធនាគារក្តាមសេះ ដែលសុវត្ថិភាពគ្រែងឈាម បានទម្លាក់ថ្មជម្រកសប្បនិម្មិត ចំនួន ២៤ដុំ ។ ការទម្លាក់ថ្មសិប្បនិមិ្មតមានសារះសំខាន់ណាស់ ដើម្បីបង្កើនជម្រករបស់មច្ឆាជាតិនៅក្នុងដែនសហគមន៌នេសាទសមុទ្រ ព្រមទាំងការថែរក្សា អភិរក្សគ្រែងឈាម និងមច្ឆាជាតិឪ្យបានគង់វង្ស និងសម្បូរឡើងវិញ ជាពិសេសទប់ស្កាត់នូវការធ្វើនេសាទដោយខុសច្បាប់ពីសំណាក់ជនខិលខូចមួយចំនួនផងដែរ ។
ឯកឧត្តម យុទ្ធ ភូថង រដ្ឋលេខាធិការក្រសួងកសិកម្មរុក្ខាប្រមាញ់ និង នេសាទ មានប្រសាសន៍សំណេះសំណាលដោយគូសបញ្ជាក់ថា ការទម្លាក់ជម្រកថ្មសិប្បនិម្មិតនេះ គឺដើម្បីការពារកន្លែងបន្តពូជរបស់មច្ឆាជាតិ ទប់ស្កាត់បទល្មើស ការធ្វើនេសាទខុសច្បាប់ ដែលធ្វើអោយមានការប៉ះពាល់យ៉ាងធ្ងន់ធ្ងរដល់ជីវភាពរស់នៅក្នុងការធ្វើនេសាទជាលក្ខណៈគ្រួសាររបស់ប្រជានេសាទក្នុងដែនសហគមន៍ដែលរស់នៅជាអចិន្ត្រៃយ៍ដោយពឺងផ្អែកទៅលើការធ្វើនេសាទ ដោយដៃ សំរាប់ដោះស្រាយជីវភាពរស់នៅប្រចាំថ្ងៃ របស់បងប្អូន ដោយការពារមិនអោយមានការលួចធ្វើនេសាទដោយទូកអួនអូសដែលច្បាប់ហាមឃាត់ ពង្រីកដែននេសាទសំរាប់ទុកអោយប្រជានេសាទក្រីក្រ ដែលគ្មានមធ្យោបាយចេញទៅនេសាទនៅសមុទ្រក្រៅ បង្កើនឡើងវិញ នូវប្រភពធនធានជលផលក្នុងតំបន់ និង ដើម្បីការពារបាននូវបរិស្ថាន ជីវចម្រុះ បាតសមុទ្របានល្អប្រសើរផងដែរ ឯកឧត្តមក៌បានធ្វើការ អំពាវនាវដល់ប្រជានេសាទចូលរួម រួមថែរក្សា និងអភិរក្សតំបន់សហគមន៌របស់ខ្លួន ដើម្បីផលប្រយោជន៌រួមរបស់យើងទាំងអស់គ្នាក្នុងការប្រកបមុខរបរនេសាទជាលក្ខណគ្រួសារ ៕
មតិយោបល់