ស៊ីដនី៖ នៅថ្ងៃចន្ទទី១៧ ខែវិច្ឆិកា ឆ្នាំ ២០១៤ នេះ ចិន និងអូស្ត្រាលី បានយល់ព្រមលើកិច្ចព្រមព្រៀងពាណិជ្ជកម្មសេរីរវាងប្រទេសទាំងពីរ បន្ទាប់ពីកិច្ចពិភាក្សារមួយនេះបានធ្វើឡើងអស់រយៈពេលជាងទសវត្សរ៍។
នាយករដ្ឋមន្ត្រីអូស្ត្រាលី លោក Tony Abbott បានថ្លែងឲ្យដឹងថា យោងតាមកិច្ចព្រមព្រៀងរវាងប្រទេសទាំងពីរ ទំនិញជាង ៩៣ភាគរយ ដែលនាំចូលទៅកាន់ប្រទេសចិន នឹងមិនត្រូវបង់ពន្ធ។ លោកបានបន្តទៀតថា នេះជាលទ្ធផលល្អមួយសម្រាប់ប្រទេសអូស្ត្រាលី ដែលនឹងជួយបង្កើតកំណើនសេដ្ឋកិច្ចជាតិ ជាពិសេសឱកាសការងារ និងជីវភាពរស់នៅប្រជាជន៕
មតិយោបល់