បាត់ដំបង៖ យុវជនម្នាក់ដែលប្រព្រឹត្តបទល្មើសដល់ទៅពីរផ្ទួនៗគ្នាត្រូវបានតុលាការចេញដិកាបង្គាប់អោយឃុំខ្លួនជាបណ្តោះអាសន្នលេខ 452 ដ អ ឃ ខ ចុះថ្ងៃទី 16-11-14 ដោយចៅក្រមស៊ើបសួរធ្ធាំ ប៊ុណ្ណា បន្ទាប់ពីបានទទួលនូវពាក្យបណ្តឹងរបស់ម្ចាស់លុយ និងពាក្យបណ្តឹងរបស់នារីរងគ្រោះដោយសារតែជននេះចាប់បង្ខំរំលោភសំរេចរហូតដល់ទៅ 3 ដងក្នុងរយ:ពេល 3 ថ្ងៃ. ។
គួរបញ្ជាក់ថាក្រោយពីសមត្ថកិច្ចនៃអធិការដ្ឋាននគរបាលស្រុកភ្នំព្រឹកបានទទួលពាក្យបណ្តឹងរបស់ស្ត្រីរងគ្រោះឈ្មោះ ចន ចិន អាយុ 30 ឆ្នាំរស់នៅភូមិស្ពានទំនាប ឃុំបួរ ស្រុកភ្នំព្រឹកខេត្តបាត់ដំបង ដែលបានចោទប្រកាន់ទៅលើឈ្មោះ ឆាយ ឆើត ភេទប្រុស អាយុ 28 ឆ្នាំជាកម្មករមកស្នាក់នៅក្នុងផ្ទះជាមួយគ្នាដោយជននេះបានលួចលុយអស់ចំនួន 2 លានរៀល និងប្រាក់ដុល្លារចំនួន 200$ កាលពីថ្ងៃទី 9-11-14 ខណ:ដែលនាងមិនបាននៅផ្ទះ. ។
ពាក់ព័ន្ធនឹងករណីលួចដែលតុលាការបានចោទប្រកាន់នេះផងដែរក៏មានករណីមួយទៀតដែលជនសង្ស័យបានប្រព្រឹត្តគឺករណីរំលោភសេពសន្ថវ: ដោយជនរងគ្រោះមានឈ្មោះ រ ច ភេទស្រីអាយុ 13 ឆ្នាំដែលត្រូវជាកូនចិញ្ចឹមរបស់ដើមបណ្តឹងបានរៀបរាប់ថាកាលពីថ្ងៃទី 3-11-14 វេលាម៉ោង 12 ថ្ងៃត្រង់ខណ:ដែលម្តាយមិននៅគឺរូបនាងត្រូវបានឈ្មោះខាងលើមកល្បួងសុំសេចក្តីស្នេហាពីនាងប៉ុន្តែនៅពេលដែលនាងធ្វើការបដិសេធក៏ត្រូវជននេះចាប់នាងផ្តួលទៅលើគ្រែក្នុងផ្ទះហើយធ្វើសកម្មភាពចាប់រំលោភនាងរហូតបានសំរេចបើទោះបីជានាងបានខាំទៅលើដើមដៃខាងឆ្វេងរហូតដល់មានស្លាកស្នាមដល់ពេលនេះក៏ដោយ. ។
នារីរងគ្រោះដែលជាអនីតិជនបានបន្តទៀតថា បន្ទាប់ពីនោះមកគឺនៅថ្ងៃទី 4 និង 5 ខែឆ្នាំដដែលគឺជននេះបានចាប់នាងរំលោភបានសំរេចជាបន្តបន្ទាប់ព្រមទាំងបានគំរាមអារ កសំលាប់បើនាងហ៊ានយករឿងនេះទៅនិយាយប្រាប់ម្តាយធ៌មរបស់នាង. ។
នាងបានអះអាងបន្ថែមថាលុះនៅថ្ងៃទី 9 បន្ទាប់ពីរំលោភ 3 លើករួចមកហើយជនសង្ស័យបានល្បួងនាងអោយទៅលួចលុយរបស់ម្តាយធ៏មមកអោយគេដោយគេបានសន្យាថានឹងចែកអោយនាងពាក់កណ្តាល ពេលនោះនាងក៏បានចូលទៅលួចបានចំនួន 2 លានរៀលនិងប្រាក់ដុល្លារចំនួន 200 ផងដែរប៉ុន្តែពេលដែលនាងយកលុយទៅអោយស្រាប់តែគេពុំបានចែកតាមពាក្យសន្យាឡើយដោយគេនិយាយថាលុយនេះគឺទុកសំរាប់រៀបការជាមួយនាងទៅវិញ.ប៉ុន្តែរឿងនេះត្រូវធ្លាយអាថ៌កំបាំងបន្ទាប់ពីម្តាយធ៌មរបស់នាងបាត់លុយហើយដេញដោលសួរនាងខ្លាំងពេកទើបនាងសំរេចចិត្តប្រាប់ដោយលែងខ្លាចនូវពាក្យគំរាមទាំងនោះហើយទើបឈានដល់ការដាក់ពាក្យបណ្តឹងតែម្តង. ។
លោក សេង លុច នាយរងការិយាល័យនគរបាលព្រហ្មទណ្ឌកំរិតធ្ងន់បានបញ្ជាក់ថាក្រោយពេលឃាត់ខ្លួនសមត្ថកិច្ចបាននាំខ្លួនមុខសញ្ញាទៅបង្ហាញចំនុចដែលគេបានលាក់លុយនៅម្តុំចំការឫស្សីខាងកើតផ្ទះប្រហែល15mគឺពុំមានឃើញលុយទាំងនោះឡើយ ដោយបច្ចុប្បន្នជនសង្ស័យរូបនេះត្រូវបានតុលាការធ្វើការចោទប្រកាន់និងឃុំខ្លួនជាបណ្តោះអាសន្ននៅពន្ធនាគារហើយ. ៕
ព័ត៌មានជាតិ
មតិយោបល់