កំពង់ស្ពឺ៖បន្ទាប់ពីរដូវភ្លៀងបានកន្លងផុតទៅក្រុមការងារសាងសង់និងពង្រីកផ្លូវជាតិលេខ៤របស់ក្រុមហ៊ុនអេហ្សិតបាននិងកំពុងដំណើរបើកការដ្ឋានពង្រីកផ្លូវនៅក្នុងភូមិសាស្ត្រទីប្រជុំជនស្មាច់ដែង ការពង្រីកផ្លូវនេះគឺ ត ភ្ជាប់ពីផ្សារទៅចំណោតប៊ិតត្រាង(ចំនុចគីឡូម៉ែត្រលេខ ២១១)។
ឆ្លើយតបជាមួយអ្នកសាព័ត៌មានលោកប្រធានការដ្ឋានបានមានប្រសាសន៏ថាៈក្រុមលោកគឺជាអ្នកអនុវត្តគម្រោងពង្រីកផ្លូវនៅតាមកំណាត់ផ្លូវខ្លីៗតាមតំបន់ភូមិសាស្ត្រដែលមានចរាចរមមាញឹកនិងលើកំណាត់ផ្លូវកោងនិងកំណាត់ផ្លូវដែលអាចបង្កឲ្យមានគ្រោះថ្នាក់ចរាចរណ៍។សម្រាប់គម្រោងនៅកន្លែងនេះយើងត្រូវពង្រីកផ្លូវបន្ថែមប្រមាណ2,5ម៉ែត្រសងខាងនិងមានប្រវែងប្រមាណជាង២គីឡូម៉ែត្រ។ដូចគ្នានេះដែរប្រមាណជាពីរបីសប្តាហ៍ខាងមុខនឹងមានក្រុមការងារមួយក្រុមទៀតមកបើក ការដ្ឋានជិតនេះដែរគឺនៅក្បែរចំណោតអូរត្រាវ(ត្រង់ចំនុចគីឡូម៉ែត្រលេខ២១៥)។
លោកជួនវ៉ាន់ឌនជានាយកកិច្ចការធុរកិច្ចនៃក្រុមហ៊ុនអេហ្សិតបានមានប្រសាសន៏បំភ្លឹបន្ថែមតាមរយៈទូរសព្ទ័បានប្រាប់ថាអំពីគម្រោងការងារសំខាន់ៗមួយចំនួនដែលក្រុមហ៊ុនកំពុងអនុវត្តគឺការងារអ៊ុតបេតុងកៅស៊ូនៅតាមដងផ្លូវការពង្រីកផ្លូវឲ្យបាន៤ជួរនៅតំបន់ភូមិសាស្ត្រពីរាជធានីភ្នំពេញការងារពង្រីកផ្លូវនៅតាមកំណាត់ផ្លូវខ្លីៗតាមតំបន់ភូមិសាស្ត្រដែលមានចរាចរមមាញឹកនិងនៅលើកំណាត់ផ្លូវកោងនិងកំណាត់ផ្លូវដែលអាចបង្កឲ្យមានគ្រោះថ្នាក់ចរាចរណ៍ ព្រមទាំងកិច្ចការសាងសង់ជួសជុលស្ពានលូប្រឡាយការជួសជុលគ្រឹះផ្លូវថ្នល់និងការងារថែទាំជាប្រចាំលើតួផ្លូវការងារគូសគំនូសផ្លូវការងារថែទាំនិងបំពាក់បរិក្ខារសុវត្ថិភាពតាមដង ផ្លូវជាដើម។បច្ចុប្បន្នក្រុមហ៊ុនមានបុគ្គលិកបំរើការងារប្រមាណជាង៥០០នាក់ក្នុងនោះបុគ្គលិកបំរើការងារសំណង់ប្រមាណ២៥០នាក់និងបានបែងចែកទៅតាមក្រុមឯកទេសដែលមានចំនួន១៥ក្រុម។
ប្រជាពលរដ្ឋអាជ្ញាធរដែនដីក្នុងតំបន់បានស្វាគមន៏រីករាយចំពោះការបើកការដ្ឋានការអភិវឌ្ឍន៏របស់ក្រុមហ៊ុនដែលបង្កការងាយស្រួលក្នុងការធ្វើដំណើរទៅកាន់ទីក្រុងព្រះសីហនុ។ប៉ុន្តែក៏មានការបារម្ភដោយហេតុថាផ្លូវស្រួលមនុស្សបើកលឿនមិនគោរព ផ្លាកសញ្ញាមិនគោរពច្បាប់។ ពួកគាតបានលើកឡើងថាអ្នកបើកបរខ្លះបានបើកបរទាំងមានជាតិញៀនជាតិស្រវឹងក្នុងខ្លួនជាពិសេសអ្នកបើកឡានដឹកជញ្ជូនទំនិញធំៗដែលជាញឹកញាប់បានបង្កគ្រោះ ថ្នាក់ដល់អ្នកដទៃ។ ដោយសារកត្តាបែបនេះក្រុមហ៊ុនបានធ្វើសកម្មភាពបំពាក់បរិក្ខាសុវត្ថិភាពដូចជា ផ្លាកហាមជែង ផ្លាកឡើងចំណោត ផ្លាកចុះចំណោត ហាមចតក្បែចំណោត ភ្លើងសញ្ញាប្រុងប្រយ័ត្ន (Warning Light) និងគំនូវបន្ថយល្បឿនជាដើម។
ដើម្បីជៀសឲ្យបាននៅគ្រោះថ្នាក់ជាយថាហេតុយើងត្រូវចូលរួមគោរពច្បាប់ទាំងអស់គ្នាជាពីសេសក្រុមហ៊ុនដឹកជញ្ជូនសូមមើលកូនចៅដែលជាអ្នកបើកបរឲ្យមែនទែនកុំអាងបុកហើយរត់យករួចខ្លួន។កន្លងមកករណីគ្រោះជាច្រើន គឺបណ្តាលមកពីកំហុសរបស់អ្នកបើកបរឬ(ពីតៃកុងឡាន)ដោយផ្ទាល់។
មតិយោបល់