Reuters ៖ ក្រុមហ៊ុន Apple នឹងដាក់បញ្ចូលសេវាកម្មតន្ត្រី Beats ចូលទៅកាន់ប្រព័ន្ធដំណើរការ iOS នៅដើមឆ្នាំ ២០១៥។ នេះបើយោងតាមការចុះផ្សាយរបស់កាសែត Financial Times។
សេវាកម្មតន្ត្រីនេះ នឹងត្រូវដាក់ឲ្យប្រើនៅលើ iPhone និង iPad ប៉ុន្តែត្រូវចំណាយប្រាក់ប្រចាំខែដើម្បីប្រើសេវាកម្មនេះ តែមិនច្បាស់ពីតម្លៃនោះទេ។ សេវាកម្មនេះមានលក្ខណៈស្រដៀងគ្នាទៅនឹង Spotify, Pandora និង Soundcloud។
គួរបញ្ជាក់ផងដែរថា Apple បានទិញក្រុមហ៊ុន Beats កាលពីខែឧសភា ឆ្នាំ ២០១៤ ក្នុងតម្លៃ ៣ពាន់លានដុល្លារអាមេរិក ហើយពាក់ព័ន្ធនឹងព័ត៌មាននេះ មិនត្រូវបាន Apple ធ្វើអត្ថាធិប្បាយឡើយ៕
មតិយោបល់