ឧត្តរមានជ័យ៖កម្លាំងចំរុះ ចុះបង្ក្រារឹបអូសឈើចំរុះជាច្រើនប្រភេទដឹកនាំដោយលោកកូយ កាន់យ៉ា ព្រះរាជអាជា្ញអមសាលាដំបូងខេត្តនិងលោកគួន រ៉ាឌី មន្ត្រីខណ្ឌរដ្ឋបាលព្រៃឈើខេត្តនិងលោក ឃុន ប៊ុន ហេងនាយផ្នែករដ្ឋបាលព្រៃឈើស្រុកអន្លង់វែងនិងមន្ត្រីបរិស្ថានស្រុក។ហេតុការកម្លាំងចំរុះ ចុះចាប់បង្ក្រាបរឹបអូសឈើជាច្រើនប្រភេទនោះបានកើតឡើងកាលពីវេលាម៉ោង៤និង៣០នាទីល្ងាចថ្ងៃទី២៤ខែវិចិ្ឆកាឆ្នាំ២០១៤នៅចំណុចផ្លូវយុទ្ធសាស្ត្រជាប់នៅជើងភ្នំដងរែកស្ថិតនៅភូមិត្រពាំងតាវចាស់ ឃុំត្រពាំងប្រិយ៍ ស្រុកអន្លង់វែង ខេត្តឧត្តរមានជ័យ។លោក ឃុន ប៊ុន ហេង នាយផ្នែក រដ្ឋបាលព្រៃឈើស្រុកអន្លង់វែង បានឲ្យអ្នសារព័ត៌មានដឹងថា គំនរឈើជ្រុងត្រសេកនិងតាត្រាវចំនួន៨ម៉ែត្រគូបនិង៧ផ្លាន ដែលឈ្មួញលួចអារទុកនៅតាមជើងភ្នំដងរែកនោះ សម្រាបដឹកយកទៅលក់នៅខេត្តបន្ទាយមានជ័យនិងខេត្តសៀមរាប។លោក ឃុន ប៊ុនហេង នាយផ្នែករដ្ឋបាលព្រៃឈើស្រុកបានបន្តទៀតថា នៅពេលបច្ចុប្បន្ន កម្លាំងចំរុះ កំពុងតែចុះចាប់បង្ក្រាបរឹបអូសជាច្រើនកន្លែងទៀតដូចភ្លៀងរលឹម ហើយលោកឃុន ប៊ុន ហេងនាយផ្នែកបានបន្តទៀតថា ឈើទាំងអស់នោះត្រូវបានកម្លាំងចំរុះដឹកយកទៅរក្សាទុកនៅផ្នែករដ្ឋបាលព្រៃឈើស្រុកអន្លង់វែងនិងស្រាវជ្រាវរកម្ចាស់មកពិន័យទៅតាមផ្លូវច្បាប់៕
ព័ត៌មានជាតិ
មតិយោបល់