ក្នុងចំណោមកំពូលអ្នកមាន ដែលជាប់ចំណាត់ថ្នាក់លើទស្សនាវដ្តី Forbe ដែលជាមហាសេដ្ឋីចិន លោក Liu Yiqian បានចំណាយទឹកប្រាក់របស់ខ្លួនទិញយកស្នាដៃសិល្បៈដ៏ល្អបំផុត នៅលើពិភពលោក។
កាលពីថ្ងៃទី ២៦ ខែ វិច្ឆិកា សេដ្ឋីចិន Liu Yiqian បានដេញថ្លៃទិញគំនូរប៉ាក់ព្យួរលើជញ្ជាំងដែលមានអាយុកាល ៦០០ ឆ្នាំ ក្នុងតម្លៃ ៣៤៨ លានដុល្លារហុងកុង ប្រហែល ៤៥ លានដុល្លារ ដែលជាគំនូរប៉ាក់ព្យួរលើជញ្ជាំងមានតម្លៃខ្ពស់បំផុតក្នុងប្រទេសចិន និងពិភពលោក។
គំនូរប៉ាក់បុរាណនេះ មានកម្ពស់ ៣ម៉ែត្រ ទន្ទឹង ២ម៉ែត្រ វាត្រូវបានបង្កើតជាង ប្រាំសតវត្សមកហើយ ក្នុងអំឡុងរាជវង្សមីង នៅក្រោមការគ្រប់គ្រងរបស់អធិរាជ យ៉ឺ ឡឹ និងត្រូវបានរក្សាទុកដ៏ល្អឥតខ្ជោះ ។
ព័ត៌មាស និងប្រាក់នៅលើសូត្រ គំនូរប៉ាក់នេះ នៅតែភ្លឺ ដែលឆ្លុះបញ្ជាំង ការផ្សាយឡើងវិញ សាសនាព្រះពុទ្ធនៅទីបេ ។
សម្រាប់គំនូរប៉ាក់ព្យួរលើជញ្ជាំងនេះ គឺមានតែ ១គត់នៅលើដៃឯកជន ខណៈព្រំ ឬគំនូរបាក់ព្យួរលើជញ្ជាំងនេះ មាននៅ Jokhang Monastery ក្នុងវត្តទីបេ១ទៀត ។
ម្ចាស់ថ្មីព្រំនេះ លោក Liu Yiqian បាននិយាយថា “លោកនឹងបង្ហាញវាសារជាថ្មី នៅសារៈមន្ទីរដែលលោកបង្កើតឡើងនៅក្នុងទីក្រុងសៀងហៃ” ។
Liu Yiqian គឺជាមនុស្សដែលមានបំផុតក្នុងប្រទេសចិន ដោយមានទ្រព្យសម្បត្តិ ១ ពាន់លានដុល្លារ ស្ថិតក្នុងចំណាត់ថ្នាក់ទី ២២០ របស់ទស្សនាវដ្តី Forbes ហើយបុរសវ័យ ៥០ ឆ្នាំរូបនេះចាប់អារម្មណ៍យ៉ាងខ្លាំងទៅលើ ការប្រមូលផ្តុំ ស្នាដៃសិល្បៈ ជាក់ស្តែង កាលពីខែ មេសាកន្លងទៅនេះ លោកបានចំណាយប្រាក់ ៣៦,៣ លានដុល្លារ ទិញ ពែងប៉សឺឡែន ដែលមានរូបមាន់ ដែលធ្វើការដេញថ្លៃក្នុងទីក្រុង ហុងកុង ហើយវាក៏ក្លាយជាប៉សឺឡែនដែលថ្លៃជាងគេផងដែរក្នុងប្រទេសចិន៕
មតិយោបល់