កំពង់ឆ្នាំង៖ គ្រួសារកសិករក្រីក្រដែលមានកូនប្រុស៣នាក់ជាជនពិការដើរមិនរួច(ប៉ូរីយោ) ដោយ សារជម្ងឺត្រូវបានក្រុមការងារលេខាធិការដ្ឋានក្រុមប្រឹក្សាជាតិកម្ពុជាដើម្បីកុមារ នាំ យកអំណោយមួយ ចំនួនទៅផ្តល់ជូនដល់ផ្ទះរបស់គាត់ នៅព្រឹកថ្ងៃទី៣០ ខែវិច្ឆិកា ឆ្នាំ២០ ១៤ ស្ថិតនៅក្នុងភូមិ ព្រៃខ្មែរ ឃុំរលាប្អៀរ ស្រុករលាប្អៀរ ខេត្តកំពង់ឆ្នាំង។
ស្ត្រីឈ្មោះ ទិត ច្រឹប អាយុ៤២ឆ្នាំ ដែលត្រូវជាម្តាយកុមារារងគ្រោះទាំងអស់បាន រៀបរាប់អោយអ្នកយកព័ត៌មានយើងដឹងថា៖ប្តីរបស់ឈ្មោះ ព្រឿង ហ៊ន អាយុ៤៤ឆ្នាំ មុខរបរឡើងត្នោត និងមានកូនប្រុស៤នាក់ក្នុងបន្ទុក តែពួកគេបានពិការ៣នាក់។កុមារាទាំង ៣នាក់នោះមានឈ្មោះ ផុន ហា អាយុ១២ឆ្នាំ,ផុន ហ៊ី អាយុ១០ឆ្នាំ,ផុន សុជាតិ អាយុ៨ឆ្នាំ ដោយឡែកកុមារាឈ្មោះ ផុន រស្មី អាយុ២ឆ្នាំ ដែលជាកូនពៅនោះមិនទាន់កើតជម្ងឺពិការចំពោះរូបគេនៅឡើយទេ។ប៉ុន្តែគាត់មានការភ័យខ្លាចកូនប្រុសពៅរបស់គាត់កើតជម្ងឺពិការ
ដូចបងៗដែរ ព្រោះថាកូនប្រុសទាំង៣របស់គាត់ នៅពេលពួកគេមានអាយុ៤ឆ្នាំ ក៍បាន លេចចេញនូវជម្ងឺដើរមិនរួចនេះតែម្តង ហើយកាលពីប៉ុន្មានឆ្នាំមុន គាត់ក៍ធ្លាប់មានកូន ប្រុសម្នាក់ទៀតឈ្មោះ ផុន ហ៊ា បានស្លាប់ដោយសារជម្ងឺនេះនៅពេលរូបគេអាយុបាន១៥ ឆ្នាំ។ដោយសារការព្រួយបារម្ភ និងជីវភាពខ្វះខាត គាត់បានសំណូមពរដល់សប្បុរសជន និងលោកគ្រូពេទ្យសប្បុរស មេត្តាជួយព្យាបាលជម្ងឺដល់កូនៗគាត់ទាំង៣នាក់ផង។
លោក ថោង ចំរើន ប្រធានមន្ទីរសង្គមកិច្ច និងអតីតៈយុវនិតិសប្បទាខេត្តកំពង់ឆ្នាំង ដែលបានដឹកនាំក្រុមការងារលេខាធិការដ្ឋាន ក្រុមប្រឹក្សាជាតិកម្ពុជាដើម្បីកុមារចុះទៅសួរសុខទុក្ខផ្ទាល់បានថ្លែងថា៖ដោយមើលឃើញនូវភាពលំបាកនៃគ្រួសារកុមារាងាយរងគ្រោះក្រុមការងារបាននាំយកជំនួយឧបត្ថម្ភផ្តល់ជូនដែលរួមមានអង្ករចំនួន៧៥គីឡូក្រាម,ប្រាក់ចំនួន៣០ម៉ឺនរៀល,ទឹកស៊ីអ៊ីវ,ទឹកត្រី,ប្រេងឆា,មី,ទឹកក្រូច,សារ៉ុង,និងខោអាវសំរាប់កុមារ មួយចំនួនផងដែរ។
ដោយឡែកនារីឈ្មោះ ហុក ចាន់ អាយុ២៣ឆ្នាំ ជាជនពិការតាំងពីតូចរស់នៅជាមួយឳពុកជរាឈ្មោះ ហុក ញិល អាយុ៧៥ឆ្នាំ ស្ថិតនៅក្នុងភូមិឃុំជាមួយគ្នាដែរនោះ ក៍បានទទួលជំនួយអង្ករចំនួន៥០គីឡូក្រាម,ប្រាក់ចំនួន២០ម៉ឺនរៀលនិងសម្ភារៈមួយចំនួនដែរ។
លោក ថោង ចំរើន ក៍បានថ្លែងអំណរគុណដល់សប្បុរសជនទាំងអស់ ដែលបានជួយឧបត្ថម្ភដល់កុមារាពិការទាំង៣នាក់ដែលកំពុងជួបនូវការលំបាកក្នុងពេលនេះ ជាពិសេស លោកក៍បានអំពាវនាវដល់សប្បុរសជននានា ជួយដល់កូនប្រុសពៅរបស់ស្ត្រីរងគ្រោះ អោយជៀសផុតពីជម្ងឺពិការទន់ដៃទន់ជើងដើរមិនរួចបែបនេះនេះផងព្រោះថាក្នុងចំណោម
កូនប្រុសទាំង៥នាក់របស់គាត់បានកើតជម្ងឺនេះ៤នាក់ ហើយជម្ងឺនេះបានសម្លាប់កូនច្បង គេម្នាក់ទៀតផង៕
មតិយោបល់