ក្រុមហ៊ុនអាកាសចរណ៍ Lufthansa របស់អាល្លឺម៉ង់បានប្រកាសលុបជើង ហោះហើររាប់រយក្រោយពេលសមាគមអាកាសយានិកអំពាវនាវឱ្យធ្វើកូដកម្ម ជាលើកទី៩ ក្នុងរយៈពេល២ថ្ងៃ គឺនៅថ្ងៃ ទី១ និងទី២ ខែធ្នូ ។
សមាគមអាកាសយានិកអាល្លឺម៉ង់ បានប្រកាសឱ្យដឹងថា ក្នុងរយៈពេល២ថ្ងៃ ធ្វើកូដកម្ម ជើងហោះហើរនៅក្នុងស្រុក ទាំងអស់ ត្រូវផ្អាកចាប់ពីវេលាម៉ោង១២ ថ្ងៃត្រង់ ថ្ងៃទី១ធ្នូ ដល់ម៉ោង២៣និង ៥៩នាទីយប់ថ្ងៃទី២ខែធ្នូ ។ ការធ្វើកូដកម្ម នោះ មិនត្រឹមតែប៉ះពាល់ដល់ក្រុមហ៊ុន Lufthansa ប៉ុណ្ណោះទេ ក្រុមហ៊ុនជាច្រើន ទៀតក្នុងប្រទេសអាល្លឺម៉ង់ ក៏រងផលប៉ះ ពាល់ដូចគ្នា ។
ក្រុមហ៊ុនអាកាសចរណ៍ Lufthansa ក៏បានប្រកាសគម្រោងហោះហើរពិសេស ជំនួសវិញ លើគេហទំព័ររបស់ក្រុមហ៊ុន។ លើសពីនេះទៀត ក៏បានអំពាវនាវអាកាស យានិក បុគ្គលិកអាកាសចរទាំងអស់ វិលត្រឡប់មកធ្វើការវិញ បញ្ចប់ការធ្វើ កូដកម្ម ។
មូលហេតុឈានដល់ការធ្វើកូដកម្ម ជាបន្ដបន្ទាប់នេះ ដោយសារតែក្រុម ហ៊ុនមានគម្រោងដំឡេងអាយុចូលនិវត្ដ ពី៥៥ឆ្នាំ ឡើងដល់ ៦០ឆ្នាំ សម្រាប់អ្នក ចូលនិវត្សរ៍មុនកំណត់ និង៦០-៦៥ឆ្នាំ សម្រាប់អ្នកចូលនិវត្សរ៍តាមក្របខ័ណ្ឌ ។ អ្នកដែលចូលនិវត្សរ៍ត្រូវទទួលបាន ប្រាក់ខែយ៉ាងតិច៦០ភាគរយនៃប្រាក់ខែ បច្ចុប្បន្ន ។ ក្រុមហ៊ុនអាកាសចរណ៍ Lufthansa មានអាកាសយានិក ៥.៤០០ នាក់ ក្នុងចំណោមសមាជិកក្រុមហោះ ហើរ ១ម៉ឺននាក់ ។ អគ្គនាយកក្រុមហ៊ុន អាកាសចរណ៍ Lufthansa បានប្រកាស ឱ្យដឹងថា អាចនឹងទទួលបានកិច្ចព្រម ព្រៀងជាមួយអាកាសយានិកបញ្ចប់វិបត្ដិ ដែលធ្វើឱ្យបុគ្គលិកក្រុមហ៊ុនធ្វើកូដកម្ម ឥតឈប់ឈរ ។
គិតចាប់តាំងពីខែមេសាឆ្នាំ២០១៤ មកទល់ពេលនេះ ក្រុមហ៊ុន Lufthansa មានបុគ្គលិកធ្វើកូដកម្មរហូតដល់៩លើក ហើយគិតទាំងកូដកម្មលើកនេះ ។ ការ ធ្វើកូដកម្មលើកទី៨ អូសបន្លាយដល់ ទៅ៣៥ម៉ោង ធ្វើឱ្យឃើងហោះហើរ ២ភាគ៣ ក្នុងចំណោម២.៣៣០ជើងត្រូវ លុបចោល ប៉ះពាល់ដល់អ្នកដំណើរ ១៦០.០០០នាក់ និងធ្វើឱ្យក្រុមហ៊ុនខាត បង់គិតជាទឹកប្រាក់១៦០លានអឺរូ៕
មតិយោបល់