មន្ត្រីជាន់ខ្ពស់អ៊ុយក្រែនបានប្រកាសថា រថយន្តដឹងទំនិញរហូតដល់ទៅ១០៦គ្រឿងបានចូលទៅកាន់តំបន់ភាគខាងកើតប្រទេសនេះដោយគ្មានលិខិតអនុញ្ញាត្តិ។ ជាថ្មីម្តងទៀតរដ្ឋាភិបាលទីក្រុងគីវបានចោទប្រកាន់រុស្ស៊ីប្រើប្រាស់រថយន្តដឹងទំនិញសម្រាប់បញ្ចូនសព្វាវុធទៅជួយដល់ក្រុមផ្តាច់ទឹកដីនិយមនៅភាគខាងកើតអ៊ុយក្រែន។
នេះជាលើកទី៨ហើយដែលរុស្ស៊ីបញ្ចូនរថយន្តដឹងទំនិញទៅកាន់ភាគខាងកើតអ៊ុយក្រេនគិតចាប់តាំពីពាក់កណ្តាលខែសីហាមក។ សារព័ត៌មានរុស្ស៊ី RIA Rnovosti បានដកស្រងសម្តីរដ្ឋមន្ត្រីទទួលបន្ទុកគ្រោះអាសន្ន រុស្ស៊ីបានឲ្យដឹងថា ការបញ្ចូនស្បៀងអាហា៧លើកកន្លងមកមាន ស្បៀងអាហាប្រមាណ៩៥០០តោន មានថ្នាំសង្កូវ ឧប្បករបរិក្ខាពេទ្យ។
នៅក្នុងព្រិត្តិការមួយពាក់ព័ន្ធនោះដែរ អគ្គលេខាធិការអង្គការណាតូ បានថ្លែងចេញពីប្រទេសលីទុយអានី ថា អង្គការ ណាតូមានភស្តុតាងគ្រប់គ្រាន់ដើម្បីបញ្ជាក់ថា រុស្ស៊ីនៅតែបន្តបញ្ជូនកម្លាំងទ័ព និងគ្រឿងសព្វាវុធធំៗ ចូលទៅក្នុងទឹកដីអ៊ុយក្រែន ក្នុងតំបន់ដែលកាន់កាប់ ដោយពួកឧទ្ទាមបំបែកទឹកដី។ ទង្វើរនេះ វាផ្ទុយទាំងស្រុងទៅនឹង សំដីរបស់លោកប្រធានាធិបតីពូទីន ដែលអះអាងថាចង់ឃើញសន្តិភាពនៅអ៊ុយក្រែន។
លោក Jens Stoltenberg អគ្គលេខាធិការអង្គការ ណាតូ បានបរិហារដោយចំៗ អំពីមហិច្ឆិតារបស់រុស្ស៊ី។ នេះមិនមែនជាលើកទីមួយទេ ដែល ណាតូ បង្ហាញជាសាធារណៈ អំពី សកម្មភាពរំលោភបំពាន ទៅលើអធិបតេយ្យភាពរបស់អ៊ុយក្រែន ដោយបានបញ្ជូនទ័ព និងគ្រឿងសព្វាវុធយ៉ាងសន្ធឹកសន្ធាប់ ទៅជួយពួកឧទ្ទាម នៅភាគខាងកើតអ៊ុយក្រែន។
អគ្គលេខាធិការអង្គការ ណាតូ បានថ្លែងថា ភ្នាក់ងារ ណាតូបានឃើញនូវសកម្មភាព បង្កើនការរាយកម្លាំងទ័ព នៅតាមតំបន់ដែល តាមធម្មតាត្រូវដាក់អាវុធឈប់បាញ់ ដោយយោងទៅតាមកិច្ចព្រមព្រៀងទីក្រុងមីនស្គ៍។ ក្នុងនោះ លោកបានសង្កត់ធ្ងន់ថា រុស្ស៊ីកំពុងតែបញ្ជូនបន្ថែម នូវកងទាហាន សម្ភារៈសិកធំៗ ដូចជារថក្រោះ កាំភ្លើងធំ និងកាំភ្លើងកម្ទេចយន្តហោះជាដើម។ លោកបន្ថែមទៀតថា នេះមិនមែនជារឿងលេងសើចទេ។ រុស្ស៊ីកំពុងតែ បំផ្លាញកិច្ចព្រមព្រៀងឈប់បាញ់នៅទីក្រុងមីនស្គ៍ ដែលបានចូលជាធរមាន កាលពីថ្ងៃ ៥ កញ្ញាកន្លងទៅ៕
មតិយោបល់