Reuters ៖ មេធំៗរបស់ក្រុមហ៊ុន Samsung Mobile ចំនួន ៣រូប បានលាលែងពីតំណែង បន្ទាប់ពីប្រាក់ចំណេញធ្លាក់ចុះខ្លាំង។ នេះបើយោងតាមប្រភពច្បាស់ការមួយបានបង្ហើបប្រាប់ឲ្យដឹងនៅថ្ងៃព្រហស្បតិ៍ទី០៤ខែធ្នូ ឆ្នាំ ២០១៤។
ប្រភពដដែលបានបន្តទៀតថា ក្នុងចំណោមអ្នកទាំង៣រូបនោះ មានលោក D.J. Lee ប្រធានទីផ្សារសកល ប៉ុន្តែការលាឈប់នេះ ត្រូវបានខាងក្រុមហ៊ុន Samsung លាក់បាំង។
ក្រុមហ៊ុន Samsung បានច្រាលចោលព័ត៌មាននេះ ហើយបានបញ្ជាក់ថា បើសិនជាមានការលាឈប់មែននោះ Samsung នឹងប្រកាសឲ្យដឹង។
គួរបញ្ជាក់ផងដែរថា ថ្មីៗនេះ មានព័ត៌មានលេចឮមកថា លោក J.K. Shin នាយកប្រតិបត្តិ Samsung Mobile ត្រូវបានដកតំណែង ប៉ុន្តែក្រោយមកក៏មានព័ត៌មានថ្មីថា នោះគ្រាន់តែជាពាក្យចចាមអារ៉ាមប៉ុណ្ណោះ៕
ព័ត៌មានជាតិ
មតិយោបល់