បុរសជនជាតិអ៊ីរ៉ង់ម្នាក់ត្រូវកាត់ ទោសប្រហារជីវិតដោយសារតែបាន បង្ហោះអត្ថបទដែលមានខ្លឹមសារ ប្រមាថ មាក់ងាយដល់សាសនាអ៊ិស្លាម នៅក្នុងបណ្ដាញទំនាក់ទំនងសង្គមហ្វេស ប៊ុករបស់ខ្លួន ។
សារព័ត៌មាន HuffingtonPost បាន ផ្សព្វផ្សាយថា តុលាការទីក្រុងតេអេរ៉ង់ បានសម្រេចផ្ដន្ទាទោសប្រហារជីវិត បុរសឈ្មោះ Sohei Arabi ដោយសារ តែបុរសរូបនេះបានបង្ហោះពាក្យពេចន៍ បន្ថោកបន្ទាបសាសនាអ៊ិស្លាមនៅក្នុង ហ្វេសប៊ុករបស់ខ្លួន ។
តុលាការទីក្រុងតេអេរ៉ង់បានប្រកាស ឱ្យដឹងថា បុរសឈ្មោះ Sohei Arabi បានប្រើប្រាស់គណនេយ្យហ្វេសប៊ុក៨ ផ្សេងគ្នា ក្នុងការផ្សព្វផ្សាយអត្ថបទមាក់ ងាយសាសនាអ៊ិស្លាម ។ អត្ថបទនោះ ស្ថិតនៅក្នុងកម្រិតបំផ្លាញជំនឿសាសនា ជាទោសធ្ងន់បំផុតនៅក្នុងប្រទេសនេះ ។
បុរសរូបនេះក៏បានបកស្រាយថា នៅ ពេលដែលខ្លួនបង្ហោះពាក្យពេចន៍ខាងលើ គឺក្នុងពេលដែលស្មារតីរបស់លោកមិន ប្រសើរ មានសរសៃប្រសាទ ។ ទោះបី យ៉ាងណាក៏តុលាការសម្រេចកាត់ទោស ប្រហារជីវិតរូបលោក ។
ករណីខាងលើបង្កឱ្យមានការប្រតិ កម្មខុសគ្នាសម្រាប់សង្គមហ្វេសប៊ុកនៅ អ៊ីរ៉ង់ ។ អង្គការការពារសិទ្ធិមនុស្សក៏ បានទំនាក់ទំនងជាមួយរដ្ឋាភិបាលអ៊ីរ៉ង់ ដើម្បីជួយកាត់បន្ថយទោសដល់ Sohei Arabi ។ តុលាការក៏បានសម្រេចថា នឹងត្រួតពិនិត្យឡើងវិញនូវករណីនេះ ។
នេះមិនមែនជាករណីតែមួយគត់ កើតឡើងនៅអ៊ីរ៉ង់នោះឡើយពាក់ព័ន្ធនឹង បទល្មើសដោយប្រើហ្វេសប៊ុក ។ កាលពី ខែឧសភាកន្លងមក ពលរដ្ឋ៧នាក់ក៏ត្រូវ បានចាប់ខ្លួន ដោយបានបង្ហោះឃ្លីបវីដេអូ រាំតាមបទចំរៀង“Happy” ។ នៅក្នុង ខែសីហា អ្នកប្រើហ្វេសប៊ុកម្នាក់ក៏ត្រូវ ជាប់ពន្ធនាគារដោយសារតែប្រើពាក្យ ពេចន៍ប៉ះពាល់ដល់មន្ដ្រីរដ្ឋាភិបាល ៕
មតិយោបល់