នៅព្រឹកថ្ងៃអង្គារនេះ មន្ត្រីអង្គការសហប្រជាជាតិ បាននិយាយថា ការបំភាយ ឧស្ម័ន កាបូនឌីអុកស៊ីត ដែល ហៅកាត់ថា CO2 នឹងត្រូវបានកាត់បន្ថយ រហូតដល់ទៅ ១២៥លានតោន នៅត្រឹមឆ្នាំ២០១៤ នេះ ។
ទីភ្នាក់ងារសារព័ត៌មានចិន ស៊ិនហួ ចេញផ្សាយថ្ងៃទី០៩ ខែធ្នូ ឆ្នាំ២០១៤ នេះឲ្យដឹងថា ថ្លែងនៅ ក្នុងសន្និសីទ ស្ដីពី ការប្រែប្រួលអាកាសធាតុ របស់អង្គការសហប្រជាជាតិ នៅក្នុងទីក្រុងលីម៉ា លោក លីឡា កាបាស៊ី ប្រធានផ្នែកកម្មវិធី បរិស្ថាន និងអាកាសធាតុយូអិន បានអំពាវនាវ ដល់បណ្ដាមេដឹកនាំអាជីវកម្មពិភពលោក ឲ្យធ្វើតាមការអំពាវនាវ តាម បែបវិទ្យាសាស្ត្រ ស្តីពីការផ្លាស់ប្តូរអាកាសធាតុនេះ ។
លោក ក៏បានគូសបញ្ជាក់ពីផលប៉ះពាល់ ពីការផ្លាស់ប្ដូរអាកាសធាតុ ទៅកាន់អ្នកចូលរួម នៅក្នុងវេទិកាសន្និសីទ ប្រចាំ ឆ្នាំលើកទី២០ នៃភាគីទាំងអស់ (COP20) ដើម្បីអនុម័តលើ អនុសញ្ញា អង្គការសហប្រជាជាតិ ឆ្នាំ១៩៩២ ស្តីពីការ ប្រែប្រួលអាកាសធាតុ ដែលទីក្រុងលីម៉ា ធ្វើជាម្ចាស់ផ្ទះពីថ្ងៃទី០១ ដល់ទី១២ ខែធ្នូ ឆ្នាំ២០១៤ នេះ ។
អង្គការនេះ មានសមាជិកចូលរួមចុះហត្ថលេខី ចំនួន ៤០០ ហត្ថលេខី ដែលមកពីបណ្តា ប្រទេសផ្សេងៗគ្នា ដែលបាន បញ្ជូនសេចក្ដីរាយការណ៍របស់ពួកគេ ជារៀងរាល់ឆ្នាំ រួមទាំងការ រីកចម្រើនរបស់ខ្លួន ក្នុងការអនុវត្ត វិធានការ ស្ដីពីកិច្ច ការពារបរិស្ថានផងដែរ ។ សម្រាប់ឆ្នាំ ២០១៤ នេះ ត្រូវបានក្រុមអ្នកវិទ្យាសាស្ត្រចាត់ទុកជាឆ្នាំ ដែលក្តៅបំផុត ក្នុង ប្រវត្តិសាស្ត្រ ដោយសារ តែបញ្ហាបរិស្ថាននៃភពផែនដី និងព្យុះព្រះអាទិត្យ ដែលកើតឡើងខ្លាំងមិនធ្លាប់មានផងដែរ៕
មតិយោបល់