យ៉ាងហោចណាស់ មនុស្ស ៦នាក់បានស្លាប់ បើគិតចាប់តាំងពីថ្ងៃចន្ទ រហូតមក ដល់ព្រឹកថ្ងៃ អង្គារ ទី០៨ ខែធ្នូ នេះ ដោយសារតែអាកាសធាតុត្រជាក់ខ្លាំង ចាប់ផ្តើមគ្រប ដណ្តប់ភាគខាងជើងប្រទេសឥណ្ឌា ជាពិសេសទៅលើរដ្ឋ យូតាប្រាដែស នោះ។
ទីភ្នាក់ងារព័ត៌មានចិនស៊ិនហួ ចេញផ្សាយនៅថ្ងៃអង្គារ ទី០៩ ខែធ្នូ នេះទៀតថា មនុស្សស្លាប់ ទាំង ៦នាក់ខាងលើនេះ ត្រូវបានគេរាយការណ៍ថាមកពីស្រុក ភូវ៉ាន់ចាល់ របស់រដ្ឋ យូតាប្រាដែស ដោយសារតែអាកាសធាតុត្រជាក់ខ្លាំងភ្លាមៗ បានគ្របដណ្តប់អមដោយ អ័ព្ទ ក្រាស់ និង ត្រជាក់ខ្លាំងបំផុត តាំងពីពេលទៀបភ្លឺថ្ងៃចន្ទ មកម្ល៉េះ។
គួរបញ្ជាក់ថា អាជ្ញាធរក្នុងតំបន់មិនបានប្រាប់ពីស្ថានភាពច្បាស់លាស់ដែលនាំឲ្យប្រជាជន ទាំងនោះ បាត់បង់ជីវិតនោះទេ គ្រាន់គេសន្មត់ថា បានបណ្តាលមកពីអាកាសធាតុត្រជាក់ខ្លាំង ដែលកើតឡើងភ្លាមៗ នាំឲ្យប្រជាជនមួយចំនួន មិនអាចត្រៀមខ្លួនទប់ទល់ទាន់ពេលវេលា។ ជារៀងរាល់ចុងឆ្នាំ តំបន់ភាគខាងជើងប្រទេសឥណ្ឌា តែងតែទទួលរងនូវអាកាសធាតុ ត្រជាក់ខ្លាំង ដែលបណ្តាលឲ្យមានផលលំបាក ស្របពេលដែលផ្លូវក៏ពិបាកធ្វើដំណើរថែមទៀត៕
មតិយោបល់