ពោធិសាត់៖ បុរសសង្ស័យចំនួន បី នាក់ ត្រូវបានសមត្ថកិច្ចកំលាំងចំរុះស្រុកវាលវែង ចាប់ខ្លួនបានជាបន្តបន្ទាប់គ្នា ពីបទករណីកាន់កាប់ និង ប្រើប្រាស់អាវុធដោយគ្មានការអនុញ្ញាតិ នៅចំណុចបឹងរំលច ភូមិសំឡាញ ឃុំក្រពើពីរ ស្រុកវាលវែង ខេត្តពោធិសាត់ ។
ហេតុការណ៍ចាប់ខ្លួនបាននេះ គឺលើកទីមួយចាប់បានម្នាក់នៅទីតាំងលំនៅដ្ឋានលាក់អាវុធភួមិខាងលើ កាលពីវេលាម៉ោង 0.3 រសៀលថ្ងៃទី 09 និងចាប់ខ្លួនលើកទី 2 បានពីនាក់ទៀតនៅវេលាម៉ោងង 10 និង 30 នាទីព្រឹក ថ្ងៃទី 10 ខែធ្នូ ឆ្នាំ 2014 នៅទីរួមស្រុកវាលវែង ។ ខណះដែលសមត្ថសមត្ថកិច្ចរកឃើញអាវុធបានចំនួនពីដើម គឺ អាវុធច្នៃ មួយដើម(កាំភ្លើងខ្យល់បាញ់គ្រាប់កង់់) និង អាវុធ Ak ស្វ័យបត់ មួយដើម ដែលមានបង់ 1 និងគ្រាប់ 19 គ្រាប់ ដែលបានលាក់ក្នុងជង្រុកស្រូវ របស់ ឈ្មោះ ឃុត នី ភេទ ប្រុស អាយុ 58 ឆ្នាំ មុខរបរ កសិករ រស់នៅ ចំណុចខាងលើ ។
លោក ព្រឿន ហាន នាយរងនគរបាលផ្នែកព្រម្មទ័ណ្ឌស្រុកវាលវែងបានឱ្យដឹងថា សមត្ថកិច្ចឃាត់ខ្លួន ជនសង្ស័យបានចំនួនបីនាក់នោះគឺទី 1 ឈ្មោះ សេង ចាន់ថន ហៅក្រៅ ដា អាយុ 32 ឆ្នាំ ទី 2 ឈ្មោះ សែម ចុន អាយុ 31 ឆ្នាំ និងទី 3 ឈ្មោះ ឃុត នី អាយុ 58 ឆ្នាំ អ្នកទាំងបីនេះជាប់ពាក់ព័ន្ធជាមួយគ្នា ដែលរស់នៅចំណុចភួមិខាងលើ ៕
លោក ព្រឿន ហាន បានឱ្យដឹងទាក់ទងនិងរឿងចាប់ជនសង្ស័យទាំងបីដែល កាន់កាប់ និង ប្រើប្រាស់លាក់ទុកអាវុធគ្មានច្បាប់អនុញ្ញាតនេះ ។ គឺកំលាំងចំរុះស្រុកវាលវែង បានចុះពិនិត្យនិងបង្ក្រាបទីតាំង ចំណុចកើតហេតុខាងលើ ក៍ស្រាប់តែកំលាំងចំរុះទទួលបានព័ត៍មាន ពីប្រជាជន ដែលមានកាភ័យខ្លាចជនសង្ស័យទាំងបីនេះ មានអាវុធចំនួនពីដើម តែងតែដើរបាញ់សត្វរាល់យប់ គ្មានច្បាប់អនុញ្ញាតិ។ ភ្លាមនោះកំលាំងលោកក៍ចុះស្រាវជ្រាវភ្លាមៗ ក៍ឈានទៅរកកាឆែកឆេរ ផ្ទះជនសង្ស័យ ខាងលើដែលបានលាក់ទុកជង្រុកស្រូវ ហើយឃើញដូចការាយការណ៍មែន ។ កំលាំងចំរុះក៍បានដកហូតអាវុធទាំងពីដើមនិងគ្រាប់១៩គ្រាប់បង់មួយ រួមទាំងឃាត់ខ្លួនអ្នកទាំងបីអ្នកជាបន្តបន្ទាប់ បង្ករសំណុំរឿង បញ្ជូនទៅតុលាកាតែម្ដង៕
មតិយោបល់