ហុងកុង៖ ក្រុមហ៊ុន Baidu Inc ដែលជារបស់កំពូលមហាសេដ្ឋីលំដាប់ទី២របស់ចិន ត្រូវបានគេដឹងថា កំពុងតែចរចាទិញភាគហ៊ុនរបស់ក្រុមហ៊ុន Uber Technologies Inc ដែលជាក្រុមហ៊ុនបង្កើតកម្មវិធី Car booking។ នេះបើយោងតាមការចុះផ្សាយរបស់ Bloomberg។
ការទិញនេះត្រូវបានប្រភពច្បាប់ការបញ្ជាក់ប្រាប់ថា Baidu បានចំណាយលុយ ៦០០លានដុល្លារអាមេរិក ដើម្បីទិញភាគហ៊ុនរបស់ Uber ប៉ុន្តែមិនប្រាកដថាទិញបានប៉ុន្មានភាគរយ ឬប៉ុន្មានហ៊ុននោះទេ។ មូលហេតុដែល Baidu ចង់ទិញ Uber គឺមានគោលបំណងធំតែមួយគត់គឺចង់ឲ្យ Uber ពង្រីកទីផ្សារឲ្យកាន់តែខ្លាំងនៅក្នុងប្រទេសចិន ម្យ៉ាងវិញទៀត Uber កំពុងតែក្លាយជាកម្មវិធីដ៏ពេញនិយមផងដែរ។
យោងតាមប្រភពច្បាស់ការបានបញ្ជាក់ថា Baidu នឹងប្រកាសពីរការវិនិយោគទុននេះ ជាផ្លូវការនៅថ្ងៃទី១៧ខែធ្ន ខាងមុខ ដើម្បីឲ្យមហាជនដឹងឮជាពិសេសដើម្បីឲ្យអ្នកវិនិយោគទុនផ្សេងៗ ដែលមានចំណាប់អារម្មណ៍ចូលរួម។
គួរបញ្ជាក់ផងដែរថា លោក Robin Li ជាស្ថាបនិកបង្កើតក្រុមហ៊ុន Baidu ដោយបច្ចុប្បន្នលោកមានទឹកប្រាក់ជិត ១៥ពាន់លានដុល្លារអាមេរិក និងជាមហាសេដ្ឋីលំដាប់ទី២នៅក្នុងប្រទេសចិន បន្ទាប់ពីលោក Jack Ma ស្ថាបនិក Alibaba៕
ព័ត៌មានជាតិ
មតិយោបល់