អង់គ្លេស ៖ ក្លិបបិសាចក្រហម កំពុងកំណត់ ធ្វើការដេញថ្លៃ ដោយដាក់ទឹកប្រាក់ ៩០ លានផោន ប្រហែល ១៤០ លានដុល្លារ ចាប់អារម្មណ៍ក្នុងការចុះហត្ថលេខ ជាមួយនឹងកីឡាករ Gareth Bale របស់ក្លិប Real Madrid ។ នេះបើយោងតាមសារព័ត៌មាន មេត្រូ ចុះផ្សាយ ។
បិសាចក្រហម បានជំរុញយ៉ាងខ្លាំង ដើម្បីផ្លាស់ទី កីឡាករ Gareth Bale មកកាន់ទឹកដី អង់គ្លេសវិញ ខណៈដែលមានព័ត៌មានខ្លះថា ក្លិបអេស្ប៉ាញអាចនឹងលក់ កីឡាកររូបនេះ ចុងបញ្ចប់រដូវកាល។
តំណាងកីឡាករ Gareth Bale ពីមុនធ្លាប់ធ្វើការច្រានចោល ម្តងរួចមកហើយជាមួយនឹងព័ត៌មានផ្លាស់ទ្រនំ ប៉ុន្តែពេលនេះ បិសាចក្រហមបានព្យាយាម ធ្វើអាជីវកម្ម ដោយដាក់សំណើរ ៩០ លានផោន ទិញកីឡាករសញ្ជាតិវែលរូបនេះ ។
បុគ្គលិកម្នាក់នៅក្នុងទឹកដី Old Trafford សុំមិនបញ្ចេញឈ្មោះ បានឲ្យដឹងថា វាពិបាកខ្លាំងណាស់ សម្រាប់ពួកគេ ប៉ុន្តែពូកគេនឹងព្យាយាមធ្វើវា ដោយដាក់សំណើរទៅកាន់ អ្នកគ្រប់គ្រងក្លិប Real Madrid គួរតែលក់ Bale ដើម្បីទទួលបានប្រាក់ ទិញកីឡាករ Eden Hazard ពីតោខៀវ៕
មតិយោបល់