ប្រធានាធិបតីអាមេរិក លោកបារ៉ាក់ អូបាម៉ា បានចេញសេចក្ដីប្រកាសថា អាមេរិក និងគុយបា បានតភ្ជាប់ឡើង វិញនូវទំនាក់ទំនងការបរទេសក្រោយ រយៈពេលជាង៥០ឆ្នាំប្រឈមមុខតាន តឹងដាក់គ្នា ។ នេះជាការផ្លាស់ប្ដូរគោល នយោបាយទ្រង់ទ្រាយធំបំផុតរបស់ អាមេរិកជាមួយគុយបាក្រោយរយៈ ពេលជាងកន្លះសតវត្សរ៍ ។នៅមុនការប្រកាសរបស់ប្រធានាធិ បតីអូបាម៉ា នៅវេលាម៉ោង១២ ថ្ងៃទី ១៧ ខែធ្នូ មន្ដ្រីជាន់ខ្ពស់អាមេរិកក៏បាន ប្រកាសថា នឹងបើកស្ថានទូតនៅគុយបា ឡើងវិញនៅពេលដ៏ខ្លីខាងមុខ ។ ក្រោយ ការប្រកាសភ្លាមៗ ប្រធានាធិបតី អូបាម៉ា ក៏បានទូរស័ព្ទពិភាក្សាជាមួយ មេដឹកនាំគុយបា លោករ៉ាអូល កាស្ដ្រូ រយៈពេលជាង១ម៉ោង ។ ក្រោយការ បញ្ចប់ពិភាក្សា មេដឹកនាំគុយបាក៏បាន ប្រកាសដំណឹងល្អទៅដល់ប្រជាជនគុយបា ទាំងមូលផងដែរ ។
អាមេរិក និងគុយបាប្រែក្លាយទៅជា សត្រូវនឹងគ្នាក្រោយឆ្នាំ១៩៥៩ ។ ចាប់ តាំងពីពេលនោះមក ប្រទេសទាំងពីរមិន មានទំនាក់ទំនងការទូតជាមួយគ្នានោះ ឡើយ ហើយអាមេរិកក៏បានអនុម័តដាក់ ទណ្ឌកម្មសេដ្ឋកិច្ចប្រទេសគុយបារហូត មកទល់ពេលនេះធ្វើឱ្យសេដ្ឋកិច្ចជាតិ ធ្លាក់ចុះ ពលរដ្ឋរស់នៅយ៉ាងលំបាក វេទនា ។ ជាមួយនឹងការសម្រេចខាង លើ អាមេរិក និងគុយបាបានឡើងគំរោង ឱ្យមានដំណើរទស្សនកិច្ចរបស់មន្ដ្រីជាន់ ខ្ពស់ប្រទេសទាំងពីរ ក្នុងគោលដៅពង្រឹង កិច្ចសហប្រតិបត្ដិការ ។
ការតភ្ជាប់ទំនាក់ទំនងរវាងអាមេរិក នឹងគុយបាជាសញ្ញាល្អប្រសើរមួយក្នុង ការជួយដល់សេដ្ឋកិច្ចគុយបា ក៏ដូចជា ការបើកផ្លូវជួយដល់សេដ្ឋកិច្ចអាមេរិក ឱ្យកាន់តែប្រសើរថែមទៀត ។ ការត ភ្ជាប់ទំនាក់ទំនងធ្វើឱ្យមជ្ឈដ្ឋាននៅជុំវិញ ពិភពលោកចាប់អារម្មណ៍បំផុត ដោយ សារតែវាកើតឡើងចំពេលដែល អាមេរិកកំពុងដាក់ទណ្ឌកម្មទៅលើរុស្ស៊ី ធ្វើឱ្យសេដ្ឋកិច្ចរុស្ស៊ី ក៏ដូចជាតម្លៃប្រាក់ រុស្ស៊ីដាំក្បាលធ្លាក់ចុះដោយសេរី ។
ក្រុម អ្នកវិភាគយល់ឃើញថា អាមេរិកមិន អាចដាក់ទណ្ឌកម្មប្រទេសជាច្រើនក្នុង ពេលព្រមគ្នានោះឡើយ បើធ្វើដូច្នេះ សេដ្ឋកិច្ចអាមេរិកក៏ត្រូវទទួលរងផលប៉ះ ពាល់ដូចគ្នា ទាំងនោះហើយដែលធ្វើឱ្យ អាមេរិកបង្កើតទំនាក់ទំនងជាមួយគុយ បា បញ្ចប់ការចងគំនុំ ដោយបង្កើនការ ដាក់ទណ្ឌកម្មទៅលើប្រទេសរុស្ស៊ីវិញ៕
មតិយោបល់