ផ្ទាំងពពកខ្មៅ បានគ្របដណ្ដប់ពេញផ្ទៃប្រទេសកូរ៉េខាងជើង ដោយសារតែ ដាច់អ៊ីនធើណែតអស់រយៈពេលជិត ១០ម៉ោង។ នេះបើយោងតាមការចុះផ្សាយរបស់ Channel News Asia ។
បន្ទាប់ពីដាច់អ៊ីនធើណែតអស់រយៈពេល ៩ម៉ោង និង៣១នាទី រួចមក នៅពេលនេះ អ៊ីនធើណែតនៅក្នុងប្រទេសកូរ៉េខាងជើងអាចប្រើប្រាស់បានវិញហើយ។ សារព័ត៌មានធំៗនៅក្នុងពិភពលោកបានបញ្ជាក់ថា អ៊ីនធើណែតនៅកូរ៉េខាងជើងមានឡើងវិញហើយ បន្ទាប់ពីដាច់អស់រយៈពេលជាង ៩ម៉ោង ហើយដាច់នេះ ត្រូវបានគេសង្ស័យថា ជាទង្វើរបស់សហរដ្ឋអាមេរិក។
បើទោះបីជាពុំទាន់មានភស្ដុតាងណាមួយបញ្ជាក់ថា ជាទង្វើរបស់អាមេរិកក្ដី ប៉ុន្តែក្រុមអ្នកវិភាគបានលើកឡើងថា គ្មាននរណាក្រៅពីអាមេរិកឡើយ ព្រោះថាមុននេះ អាមេរិក និងកូរ៉េខាងជើងបានកើតមានជម្លោះពាក្យសម្ដីធ្ងន់ៗ ដោយសារតែអាមេរិកបានចោទ កូរ៉េខាងជើងថាជាអ្នកវាយប្រហារក្រុមហ៊ុន Sony ប៉ុន្តែកូរ៉េខាងជើងបានបដិសេធ ហើយចោទអាមេរិកវិញថា ជាអ្នកធ្វើ៕
មតិយោបល់