បន្ទាប់ពីបង្កើតទំនាក់ទំនងស្នេហានឹងគ្នាអស់រយៈពេលជិត ១ឆ្នាំ តារាសម្ដែង និងជាតារាម៉ូឌែល នាង Cameron Diaz បានសម្រេចចិត្តភ្ជាប់ពាក្យជាមួយនឹងមិត្តប្រុស លោក Benji Madden ជាតន្ត្រីករ ដែលមានជំនាញខាងហ្គីតា។
លោក Benji បានប្រាប់ទស្សនាវដ្ដី PEOPLE ថា លោកសប្បាយចិត្តខ្លាំងណាស់នៅពេលដែល នាង Cameron Diaz សម្រេចចិត្តភ្ជាប់ពាក្យជាមួយ ហើយមិត្តភ័ក្តិរបស់លោក ក៏សប្បាយចិត្តដូចគ្នា ដោយពួកគេបានចូលរួមនៅក្នុងកម្មវិធីភ្ជាប់ពាក្យទៀតផង។
ទំនាក់ទំនងស្នេហារបស់អ្នកទាំងពីរនេះត្រូវបានគេមើលឃើញចាប់តាំងពីពាក់កណ្ដាលឆ្នាំ ២០១៤ ដោយគេមិននឹកស្មានថា ពួកគេសម្រេចចិត្តភ្ជាប់ពាក្យលឿនយ៉ាងនេះនោះទេ។
គួរបញ្ជាក់ផងដែរថា នាង Cameron Diaz ត្រូវបានគេស្គាល់ច្បាស់នៅឆ្នាំ ២០០០ តាមរយៈរឿង Charlie’s Angels ហើយសម្រាប់រឿងចុងក្រោយនៅក្នុងឆ្នាំ ២០១៤ នេះគឺរឿង Sex Tape ដែលបានធ្វើឲ្យមហាជនភ្ញាក់ផ្អើលជាមួយនឹងសកម្មភាពសម្ដែងរបស់នាង៕
ព័ត៌មានជាតិ ព័ត៌មានសិល្បៈ និងកម្សាន្ត
មតិយោបល់