កំពង់ឆ្នាំង៖ រថយន្តឆ្លាម១គ្រឿងត្រូវសមត្ថកិច្ចរកឃើញ បន្ទាប់ពីចោរបានលួចយកពីក្រុងភ្នំពេញមកលាក់ទុកនៅខេត្តកំពង់ឆ្នាំង ហើយត្រូវបានម្ចាស់រថយន្តរកឃើញតាមប្រព័ន្ធជីភីអែស (G P S) ប្តឹងមកសមត្ថកិច្ចស្រុករលារប្អៀរអោយស្ទាក់ចាប់ភ្លាមៗផងដែរ។ករណីបង្ក្រាបចោរលួចរថយន្តរខាងលើនេះបានធ្វើឡើងនៅព្រឹកព្រលឹមថ្ងៃទី២២ ខែធ្នូ ឆ្នាំ២០១៤នៅក្នុងភូមិត្រោកកណ្តាល ឃុំស្រែថ្មី ស្រុករលាប្អៀរ ខេត្តកំពង់ឆ្នាំង។
លោក យឹម សុផល នាយផ្នែកព្រហ្មទណ្ឌ័នគរបាលស្រុករលាប្អៀរបានអោយដឹងថា៖បន្ទាប់ពីទទួលបានពាក្យបណ្តឹងពីក្រុមគ្រួសាររបស់ម្ចាស់រថយន្តរួចហើយ លោកអធិកាបានបញ្ជារតាមប៉ុស្តិ៏អោយចុះស្ទាក់នៅគ្រប់ច្រកល្ហក លុះនៅវេលាម៉ោង៦និង៤៥នាទីព្រឹកថ្ងៃទី២២ ខែធ្នូ ឆ្នាំ២០១៤នេះ ម្ចាស់រថយន្តបានមកដល់និងបានហៅសមត្ថកិច្ចឡើងជិះក្នុងរថយន្តជាមួយ បន្ទាប់មកបានចុចប្រព័ន្ឋ ជី ភី អែស (G P S) រាវរក ហើយក៏បានរកឃើញរថយន្តដែលត្រូវចោរលួចនោះចតនៅពីក្រោយផ្ទះប្រជាពលរដ្ឋឈ្មោះ ភួង សុភះឧត្តម រស់នៅក្នុងភូមិឃុំខាងលើ ។ ព្រមទាំងឃាត់ខ្លួនបានជនសង្ស័យម្នាក់ដែលជាអ្នកបើករថយន្តយកមកផ្ញើនិងម្ចាស់ផ្ទះខាងលើដែលត្រូវជាពូរបស់ជនសង្ស័យ ។ រីឯជនសងសង្ស័យរូបនេះសមត្ថកិច្ចមិនអាចប្រាប់អត្តសញ្ញាណអោយដឹងនៅឡើយទេ ព្រោះកុំពុងធ្វើការស្រាវជ្រាវបន្តរកបក្ខពួកគេទៀត គ្រាន់តែបង្ហើបអោយដឹងថាជាអ្នកបើករថយន្តអោយអ្នកធំម្នាក់នៅក្នុងទីក្រុងភ្នំពេញ។ដោយឡែកម្ចាស់រថយន្តឆ្លាមពណ៌ស្ករ ពាក់ស្លាកលេខ ភ្នំពេញ 2G 2005 មានឈ្មោះ តាន់ ហាវ អាយុ៣៣ឆ្នាំរស់នៅភូមិសែនជ័យ សង្កាត់កាកាប ខណ្ឌ័ពោធិសែនជ័យ ក្រុងភ្នំពេញ។
លោក ទឹម ចន្ធី អធិការនគរបាលស្រុករលាប្អៀរដែលជាអ្នកដឹកនាំសមត្ថកិច្ចចុះបង្ក្រាបករណីខាងលើនេះនិយាយអោយដឹងថា៖ នៅយប់ទាបភ្លឺថ្ងៃទី២២ ខែធ្នូ ឆ្នាំ២០១៤ លោកបានទទួ លទូរសព្ទ័ពីក្រុមគ្រួសារម្ចាស់រថយន្តខាងលើប្តឹងថា មានចោរលួចយករថយន្ត១គ្រឿងម៉ាកកាមរីឆ្លាម ពណ៏ស្ករ ពីភ្នំពេញ ហើយគេបានចុចប្រព័ន្ឋ ជី ភី អែស(G P S) ឃើញរថយន្តត្រូវចោរលួចយកមកលាក់ទុកនៅម្តុំភ្នំសន្ទួច ដោយសុំអោយសមត្ថកិច្ចលោកជួយអន្តរាគមន៏ផង ភ្លាមៗដែរលោកក៏ចាត់កម្លាំងតាមប៉ុស្តិ៏ចុះស្ទាក់គ្រប់ផ្លូវលំក្នុងឃុំស្រែថ្មី និងកម្លាំងមួយចំនួនទៀតចុះរកមើលតាមផ្ទះប្រជាពលរដ្ឋ ហើយក៏បានរកឃើញរថយន្តដែលចោរលូចនោះ លាក់ទុកនៅខាងក្រោយផ្ទះរបស់ឈ្មោះអួង សុភះឧត្តម ស្ថិតក្នុងភូមិត្រោកកណ្តាល ឃុំស្រែថ្មី នៅវេលាម៉ោង៦និង៤៥នាទីថ្ងៃដដែលនេះតែម្តង តែរថយន្តនោះត្រូវបានក្រុមចោរដោះស្លាកលេខលាក់ទុកបាត់ទៅហើយ ព្រមទាំងបានរើសរុះកាត់ប្រព័ន្ឋខ្សែភ្លើងជាច្រើន នៅក្រោមចង្កូតទៀតផង ។
ម្ចាស់ផ្ទះនិងជនសង្ស័យខាងលើនិងវត្ថុតាងត្រូវបានសមត្ថកិច្ចបញ្ជូនមកកាន់អធិការដ្ឋាន នគរបានស្រុករលាប្អៀរ ដើម្បីកសាងសំណុំរឿងបញ្ជូនខ្លួនទៅកាន់ស្នងការដ្ឋាននគរបាលខេត្តធ្វើ
ការស្រាវជ្រាវរកជនសង្ស័យមួយចំនួនទៀតដែលជាបក្ខពួកចោរលួចរថយន្តខាងលើនេះ៕
ព័ត៌មានជាតិ
មតិយោបល់