កំពង់ធំ៖ សភាពាណិជ្ជកម្មកំពង់ធំ ព្រះវិហារ កំពុងតែដំណើរការឈានទៅរកការអភិវឌ្ឍន៍ ពីមួយថ្ងៃទៅមួយថ្ងៃដើម្បីធ្វើការទំនាក់ទំនង ទៅប្រទេសជិតខាងរកទីផ្សារ និងសម្រួលដល់អជីវករ និងប្រជាកសិករដែលបានដាំដំឡូងមីនៅក្នុងខេត្តកំពង់ធំ និងខេត្តព្រះវិហារព្រមទាំងបានសាងសង់រោងចក្រសម្ងួតដំឡូងមី។
ក្នុងនោះដែរសភាពាណិជ្ជកម្ម កំពង់ធំ ព្រះវិហារ បានខិតខំបើកជាសហគមន៍ដំឡូងមី ដោយមានការបោះឆ្នោតជ្រើសរើសប្រធានសហគមន៍ដំឡូងមីនៅព្រឹកថ្ងៃទី ២៣ខែធ្នូ ឆ្នាំ ២០១៤ ក្រោមអធិបតីភាព ឯកឧត្តម ម៉ៅ ថូរ៉ា រដ្ឋលេខាធិការក្រសួងពាណិជ្ជកម្ម និងឯកឧត្តម ហួន វ៉ាននិត អភិបាលរងខេត្តកំពង់ធំ ព្រមទាំងលោក ឧកញ៉ា ហេង សំណាង ប្រធានសភាពាណិជ្ជកម្ម កំពង់ធំ ព្រះវិហារ និងអជីវករ ប្រជាកសិករចូលរួម ជាច្រើននាក់ដែលបានអញ្ជើញមកពីស្រុកសណ្តាន់ខេត្តកំពង់ធំ ។
គោលបំណងដែលបានបង្កើតឲ្យមានសហគមន៍ដំឡូមីនេះគឺដើម្បីប្រគល់ភារៈកិច្ចទទួលខុសត្រូវ ពីការទទួលទិញដំឡូងមី និងរកទីផ្សារជូនប្រជាកសិករ ក្នុងការធានាបាននូវតំលៃដំឡូងមី រួមទាំងការណែនាំនូវបច្ចេកទេសក្នុងការដាំដុះ ថែរក្សាគុណភាពដំឡូងមី មិនតែប៉ុណ្ណោះសភាពាណិជ្ជកម្ម ដែលមានលោកឧកញ៉ា ហេង សំណាង ជាប្រធានបានសាងសង់រោងចក្រសម្ងួតដំឡូងមី ក្នុងមួយថ្ងៃអាចសម្ងួតបានដល់ទៅ ៣០០តោន សម្រាប់ដំឡូងស្រស់ ស្មើរនឹង១៥០តោនដំឡូងស្ងួតដែលបានឆ្លងកាត់ពីម៉ាស៊ីសម្ងួត។
ឯកឧត្តម ហួន វ៉ាននិត អភិបាលរងខេត្តកំពង់ធំ បានមានប្រសាសន៍ថា នេះគឺជាការខិតខំប្រឹងប្រែងរបស់សភាពពាណិជ្ជកម្មកំពង់ធំ ព្រះវិហារ បានឆ្លុះបញ្ជាំងឲ្យឃើញនូវកិច្ចសហការដ៏ល្អរវាងអាជ្ញាខេត្ត ស្រុកឃុំ និងមូលដ្ឋានក្នុងការបង្កើតសហគមន៍ដំឡូងមី ក៏ដូចជាការកាត់បន្ថយការចំណាយ ក្នុងការប្រមូលផល រួមទាំងការដឹកជញ្ជូនទៅប្រទេសជិតខាង គឺប្រជាពលរដ្ឋទាំងអស់អាចនិងដឹកដំឡូងស្រស់ មកលក់ឲ្យសមាគន៍ ដោយមិនចាំបាច់កាប់ដំឡូងហាល ឬដឹកទៅប្រទេសជិតខាង ក្នុងនោះដែរឯកឧត្តម បានណែនាំឲ្យមានការ យកចិត្តទុកដាក់ទៅលើផលិតផល ឲ្យមានគុណភាពសម្រាប់កានាំចេញ អជ្ញាធររីករាយនិងសហការនិងជម្រុញឲ្យមានការដាំដំឡូងមីបន្តទៀត។
ឯកឧត្តម ម៉ៅ ថូរ៉ា រដ្ឋលេខាធិការក្រសួងពាណិជ្ជកម្ម បានសម្តែងនូវសេចក្តីរីករាយ ដែលបានឃើញភាពរីក ចំរើនរបស់សភាពាណិជ្ជកម្ម បានបង្កើតឲ្យមានសហគមន៍ និងរោងចក្រសម្ងួតដំឡូងមីដ៏ធំលើកដំបូងបង្អស់នៅក្នុងប្រទេសកម្ពុជាដែលជាកន្លែងសម្រាប់ការទទួលទិញដំឡូងមី រាប់ម៉ឺនតោនដែលបានកុងត្រាជាមួយ នឹងប្រទេសជិតខាង ក្នុងការនាំយកផលិតផលខ្មែរចូលក្នុងទីផ្សាអន្តរជាតិ ព្រមទាំងបានឲ្យអជីវករទាំងអស់ ដាំដំឡូងមី ឲ្យរក្សាបាននូវគុណភាពល្អ ព្រមទាំងមានគម្រោងនាំអជីវករទាំងអស់ទីទស្សនៈកិច្ចនៅប្រទេសជិតខាង ដែលជាដៃគូរធុរៈកិច្ច ៕
មតិយោបល់