​តារាចម្រៀង Chris Brown ត្រូវបាន​គេ​សង្ស័យថា កំពុង​ងាក​មក​ដើរ​ផ្លូវ​ក្រោយ​វិញ ដោយ​សុំ​ស្នេហ៍​ពី អតីត​មិត្តស្រី Rihanna បន្ទាប់​ពី​បែកបាក់​ស្នេហា​ជាមួយ​នឹង មិត្តស្រី​ជនជាតិ​វៀតណាម Karrueche Tran កាលពី​ខែ​មុននេះ ។​
​ប្រភពព័ត៌មាន ibtimes បាន​ចុះ​ផ្សយា​ថា តារា​ចម្រៀង​រូប​នេះ បាន​ផ្ញើរ​សារ ទៅកាន់​អតីត​មិត្តស្រី ដើម្បី​លួងលោម​សុំ​គ្នា​ត្រូវរ៉ូវ​វិញ ។​
​ដោយ​ឡែក​ប្រភព​ព័ត៌មាន ជិតស្និទ្ធ របស់ Rihanna បានឲ្យដឹងថា តារាចម្រៀង Chris Brown បាន​ព្យាយាម​ត្រឡប់​ក្រោយ​វិញ តាមរយៈ​ការផ្ញើ​សារ​ដ៏​ផ្អែម​ល្អែម ដែល​ជា​ក់ណា​ស់ តារា​ដែល​រួច​ចេញពី​គុក​រូបនេះ កំពុង​តែ​ព្យាយាម​អង្វរក Rihanna ។​
​តែ​ទោះជា​យ៉ាងណា​មិន​ទាន់​មាន​ប្រភពព័ត៌មាន ជាក់លាក់​នៅឡើយ​នោះទេ ដែល​ចេញពី​បបូរមាត់ តារាចម្រៀង​ទាំងពីរ ។​
​ទាក់ទិន​ព័ត៌មាន​នេះដែរ ឪពុក​របស់ Rihanna លោក Ronald Fenty មិន​បាន​បដិសេធ​នោះទេ បើសិនជា​កូនស្រី​របស់​គាត់ ព្រម​ទទួល​លោក Chris Brown វិញ​នោះ ។​
​បញ្ជាក់​ផង​ដែរ​ថា Rihanna នៅពេលនេះ កំពុង​រវល់​ដៃ ជាមួយនឹង​អាល​ប៊ុមខ្លួន “R8.” ហើយ​នាង​ក៏​កំពុង​ចុះហត្ថលេខា ជាមួយនឹង​ក្រុមហ៊ុន Puma ផងដែរ​៕​