ក្រុមហ៊ុន Sony Pictures បានសម្រេចចិត្តដាក់បញ្ចាំងរឿង The Interview នៅថ្ងៃបុណ្យណូអែល បន្ទាប់ពីមានការគាំទ្រពីប្រធានាធិបតីសហរដ្ឋអាមេរិក លោក បារ៉ាក់ អូបាម៉ា ខណៈដែលក្រុម Hacker គំរាមមិនឲ្យដាក់បញ្ចាំង។ ដោយឡែកនៅថ្ងៃនេះ Sony បាននិយាយថា ចាប់តាំងពីថ្ងៃដាក់បញ្ចាំងរហូតមកដល់ពេលនេះ រឿង The Interview ប្រមូលបានលុយជាង ១៥លានដុល្លារអាមេរិក។
ក្រុមហ៊ុន Sony បានបញ្ជាក់នៅព្រឹកថ្ងៃចន្ទនេះថា ប្រាក់ចំណូលពីរឿង The Interview បានជាង ១៥លានដុល្លារអាមេរិក ដោយក្នុងនោះបានមកពីការដាក់បញ្ចាំងតាមរោងកុន និងលក់តាមអនឡាញ។ ក្រោយពីដាក់បញ្ចាំងបានមួយថ្ងៃ Sony បញ្ជាក់ថា រកបានប្រាក់ចំណូល ១លានដុល្លារអាមេរិក ហើយគិតមកដល់ពេលនេះគឺមានរយៈពេល ៥ថ្ងៃ ពោលគឺ Sony ទទួលបានប្រាក់ចំណូលខ្ពស់ពីការដាក់បញ្ចាំងរឿង The Interview៕
មតិយោបល់