ភ្នំពេញៈ បុរសម្នាក់ ត្រូវកម្លាំងនគរបាលខណ្ឌដូនពេញឃាត់ខ្លួនពីបទចែកចាយគ្រឿងញៀន កាលពីវេលាម៉ោង១២និង៣០នាទីរសៀលថៃ្ងទី១៣ ខែមិថុនា ឆ្នាំ២០១៦ នៅត្រង់ចំណុចផ្លូវរថភ្លើងR6 (កាប៊ីនភ្លើងទល់មុខក្តាន់ពីរ) ភូមិ៣ សង្កាត់ស្រះចក ខណ្ឌដូនពេញ រាជធានីភ្នំពេញ ។
សមត្ថកិច្ចបានឲ្យដឹងថា ជនសង្ស័យឈ្មោះ អ៊ិន ចាន់គ្រឹះស្នា ភេទប្រុស អាយុ២៣ឆ្នាំ មុខរបរមិនពិតប្រាកដ រួមនិងវត្ថុតាងថ្នាំញៀនប្រភេទក្រាមពណ៌សថ្លា (ម៉ាទឹកកក)ចំនួនមួយកញ្ចប់តូច ។
ប្រភពព័ត៌មានពីមន្រ្តីនគរបាលមូលដ្ឋាន បានឲ្យដឹងថា នៅមុនពេលឃាត់ខ្លួនជនសង្ស័យ គឺកំលាំងនគរបាលព្រហ្មទណ្ឌខណ្ឌដូនពេញ បានសហការជាមួយកំលាំងអន្តរាគមន៍ពិសេស និងព្រហ្មទណ្ឌកំរិតធ្ងន់ នៃស្នងការរាជធានីភ្នំពេញ ដែលបានកំពុងតែល្បាតក្នុងមូលដ្ឋានខណ្ឌដូនពេញ លុះមកដល់ចំណុចខាងលើប្រទះឃើញជនសង្ស័យក៏ឃាត់ខ្លួនឆែកឆេរ និងសាកសួរ ស្រាប់តែមានថ្នាំញៀនជាក់ស្តែងក៏នាំខ្លួនទៅអធិការដ្ឋាននគរបាលខណ្ឌដូនពេញ ដើម្បីធ្វើការសាកសួរ និងកសាងសំណុំរឿង ចាត់ការតាមនិតិវិធី៕
មតិយោបល់