អង់គ្លេស៖ ក្លិបបិសាចក្រហម បើទោះបីជាជាស្ថិតនៅលេខរៀងទី ៣ មែនពិត តែសម្រាប់ ២ ប្រកួតចុងក្រោយនៅក្រៅទឹកដី ដោយប្រកួតនៅចុងឆ្នាំ ២០១៤ និង មួយប្រកួតទៀត នៅដើមឆ្នាំ ២០១៥ ដែលធ្វើឡើងកាលពីរាត្រីយប់មិញនេះ ធ្វើដំណើរទៅជួបក្លិប Stoke City ។ ដំណើរទស្សនៈកិច្ចទៅសួរសុខទុកនេះ មិនបានធ្វើឲ្យក្លិប Stoke City ព្រឺរោមឡើយ ធ្វើបានត្រឹមតែ លទ្ធផល ១ – ១ ទាំងប្រផិតប្រផើយ ។ ក្លិប Stoke City ដែលស្ថិតនៅលេខរៀងទី ១១ គ្រាន់តែបើកឆាកបាន ២ នាទី ក៏បំបែកពងមាន់ក្លិបបិសាចក្រហម ដោយកីឡាករ Ryan Shawcross ។ តែទោះជាយ៉ាងណា ក្លិបបិសាចក្រហម បានតាមស្មើវិញ ខណៈដែល Rooney ស៊ុតបាល់ពិន័យពីជ្រុង ហើយ Radamel Falcao ពែនបញ្ចូលទី ជួយឲ្យបិសាចក្រហមតាមស្មើ ។ លទ្ធផលស្មើនេះ វាមិនមែនជាតម្រូវការរបស់ Van Gaal និងអ្នកគាំទ្របិសាចក្រហមឡើយ អ្វីដែលអ្នកគាំទ្រចង់ឃើញបំផុត គឺការលុតគូប្រកួតយ៉ាងចាស់ដៃនៅក្រៅទឹកដី តែ Van Gaal ធ្វើមិនបាន ដោយពីរប្រកួតចុងក្រោយ បានត្រឹមតែ ស្មើ ដោយបាត់បង់ ៤ ពិន្ទុ ។
បញ្ជាក់ផងដែរថា ក្នុងចំណោម ២០ ប្រកួតដូចគ្នា តោខៀវនៅលេខរៀងទី ១មាន ៤៦ ពិន្ទុស្មើ និងមេឃខៀវនៅលេខរៀងទី ២ ហើយបិសាចក្រហមមាន ៣៧ ពិន្ទុ នៅលេខរៀងទី ៣ ខណៈដែល Southampton មាន ៣៦ ពិន្ទុ នៅលេខរៀងទី ៤ ៕
ទសស្សនាឃ្លិបដូចខាងក្រោមនេះ ៖
មតិយោបល់