ស្ត្រីត្រូវបានគេដឹងថា ជាមនុស្សដែលប្រឈមមុខនឹងការងារច្រើនជាងបុរស ពោលគឺធ្វើការងាររហូតដល់ស្លាប់ ដោយការងារនោះភាគច្រើនជាកិច្ចការផ្ទះ ហើយការងារដែលធំបំផុតនោះគឺការមើលថែកូនៗ។
យោងតាមការស្រាវជ្រាវថ្មីបានបង្ហាញថា ស្ត្រីភាគច្រើនបានលាឈប់ពីការងារ ឬក៏ធ្វើការងារក្រៅម៉ោង នៅពេលដែលកូនរបស់គាត់គ្រប់វ័យចូលរៀន។
ការស្រាវជ្រាវបានបង្ហាញថា ស្ត្រីជាងពាក់កណ្ដាលបានសម្រេចចិត្តបោះបង់ការងារ ខណៈដែលកូនរបស់គាត់ដល់វ័យចូលរៀន ហើយគាត់ចាប់ផ្ដើមចូលធ្វើការងារវិញ នៅពេលដែលកូននោះមានវ័យធំបន្តិច។ ពួកគាត់បាននិយាយថា គាត់ឈប់ពីការងារដើម្បីនៅផ្ទះជួយកិច្ចការសាលា និងបង្ហាត់បង្ហាញកូនពីការអប់រំ និងរបៀបរស់នៅក្នុងថ្នាក់រៀន ព្រោះថានៅក្នុងថ្នាក់រៀន ថ្បិតតែជាកន្លែងបណ្តុះបណ្ដាលពិតមែន ប៉ុន្តែវាក៏ជាកន្លែងគ្រោះថ្នាក់សម្រាប់កូនតូចរបស់គាត់ផងដែរ។ លោក Charlotte Munday អ្នកគ្រប់គ្រងអាជីវកម្មផ្នែកលក់អន្តរជាតិរបស់ក្រុមហ៊ុនផលិតរថយន្ត BMW បានប្រាប់ថា គាត់បោះបង់ការងារព្រោះតែកូនស្រីរបស់គាត់ដល់វ័យចូលរៀន ដូច្នេះហើយកាត់ត្រូវជួយកិច្ចការសាលា ជាពិសេសគឺត្រូវមើលថែពួកគេឲ្យបានល្អ និងរៀបចំសម្ភារៈផ្សេងៗនៅពេលមានដំណើរកម្សាន្តប្រចាំសាលាជាដើម។
បើយើងក្រឡេកមកមើលស្រុកខ្មែរវិញហាក់ដូចជា ផ្ទុយស្រឡះតែម្ដង ព្រោះថា នៅក្នុងស្រុកខ្មែរវិញ នៅពេលដែលកូនដល់វ័យសិក្សា អាណាព្យាបាលតែងតែបញ្ជូនកូនទៅកាន់សាលារដ្ឋ ប៉ុន្តែភាគច្រើនគឺសាលាឯកជន ដោយសារតែគេមានវិនីយ និងការមើលថែបានល្អជាងសាលារដ្ឋ ដូច្នេះម្តាយគ្រប់រូបមានពេលទំនេរអាចធ្វើការពេញម៉ោងបាន ដោយមិនចាំបាច់ខ្វាយខ្វល់អ្វីទាំងអស់៕
ព័ត៌មានជាតិ
មតិយោបល់