ខេត្តស្វាយរៀង ៖រថយន្តទេសចរណ៍មួយគ្រឿង ធ្វើដំណើរយ៉ាងលឿន បានបុកបារាស់របស់សមត្ថកិច្ច ខណៈពេលដែលសមត្ថកិច្ចចរាចរណ៍ នៃស្នងការនគរបាល ខេត្តស្វាយរៀង ចុះអនុវត្តច្បាប់ចរាចរណ៍ជើងគោក តាមដងផ្លូវជាតិលេខ១ ដើម្បីត្រួតពិនិត្យយាន្តយន្ត ដែលមិនបានគោរពច្បាប់ចរាចរណ៍ទាំងអស់ ហើយរថយន្តមិនបានឈប់ ដើម្បីដោះស្រាយជាមួយសមត្ថកិច្ចនោះទេ បែរជាបន្ថែមល្បឿនព្យាយាមគេចពីសមត្ថកិច្ចទៅវិញ ។
ហេតុការណ៍ខាងលើនេះ បានកើតទ្បើងកាលពីវេលាម៉ោង១០និង១០នាទីព្រឹក ថ្ងៃទី១ ខែមករា ឆ្នាំ២០១៤ លើដងផ្លូវជាតិ១ ខាងមុខវិទ្យាល័យហ៊ុន សែន ប្រសូត្រ ស្ថិតក្នុងភូមិប្រសូត្រ ឃុំឃុំកណ្តៀងរាយស្រុកស្វាយទាប ខេត្តស្វាយរៀង ។ប្រភពពីមន្ត្រីនគបាល ការិយាល័យចរាចរណ៍ នៃស្នងការនគបាលខេត្ត បានឲ្យដឹងថា មុនពេលកើតហេតុ គបាលចរាចរណ៍ស្នងការនគបាលខេត្ត បានចុះទៅអនុត្តន៍ច្បាប់ចរាចរណ៍ នៅខាងកើតទីប្រជុំជនផ្សារប្រសូត្រ ត្រង់ចំណុចខាងមុខវិទ្យាលយ័ហ៊ុន សែនប្រសូត្រ ។
មន្ត្រីដ៏ដែលបានបន្តទៀតថា ចំពោះរថយន្តប្រភេទទេសចរណ៍មួយគ្រឿង ពាក់ស្លាកលេខ ភ្នំពេញ ៣C-៦៨៥៦ របស់ក្រុមហ៊ុន ភុងទ្រិញ អ៊ិចប្រេស ដឹកអ្នកដំណើរពីភ្នំពេញទៅហូជីមិញ ។ ដែលសមត្ថកិច្ចនគបាលចរាចរណ៍ចាប់ឃាត់មកសាកសួរ គឺមូលហេតុបើកបរបុកបារាស់សមត្ថកិច្ច និងបើកកៀរសមត្ថកិច្ច ពេលកំពុងធ្វើចរាចណ៍ពិនិត្យយានយន្តតាមដងផ្លូវ មិនគោរពច្បាប់ចរាចរណ៍ គឺបើកបុកបារាស់ស្លាកសញ្ញាចរាចរណ៍ បែកអស់១ និងបើករកបុសមត្ថកិច្ចទៀត រួចបន្ថែមល្បឿនបើកគេច ទើបសមត្ថកិច្ចនគបាល ដេញតាមនិងទូរសព្ទឲ្យនគបាល នៅការិយាល័យ ដាក់កម្លាំងស្ទាក់រថយន្តបង្ករ បាននៅឯគល់ស្ពានព្រែកទន្លេវ៉ៃគោមកសាកសួរតែម្តង ។
បើតាមអ្នកបើកបរឈ្មោះ តេង តូ ភេទប្រុស អាយុ៤៩ឆ្នាំ មុខរបរអ្នកបើកបររថយន្ត មានទីលំនៅភូមិជ្រោយដង ឃុំសំរោង ស្រុកកៀនស្វាយ ខេត្តកណ្តាល បាននិយាយថា រូបគាត់បើករថយន្តដឹកអ្នកដំណើរ ពីវៀតណាម មករាជធានីភ្នំពេញ បើកបរក្នុងល្បឿន៦០គីឡូម៉ែត្រ ក្នុងមួយម៉ោង លុះមកដល់ចំណុចកើតហេតុ នគបាលចាប់ផាកពិន័យ ដោយច្បាប់ចរាចរណ៍កំណត់ទីប្រជុំជន បើកក្នុងល្បឿន៤០គីឡូក្នុងមួយម៉ោង ក៏ប៉ុន្តែសមត្ថកិច្ច សសេរលើវិក័យបត្រ័ដាក់ថា បើកលើសល្បឿនដល់៩០គីឡូក្នុងមួយម៉ោង ក្រោយពីបង់ផាកពិនយ័រួច មានអ្នកសារពត៌មានម្នាក់ ចុះពីរថយន្តមកថត ពេលនោះរូបគាត់ ក៏បាននិយាយទៅកាន់អ្នកសារពត៌មានថា សូមបងសួរសមត្ថកិច្ច មើលផ្លាកចរាចរណ៍កំណត់៤០គីឡូម៉ែត្រ ក្នុងមួយម៉ោងនៅកន្លែងណា ហើយខ្ញុំបើកបរក្នុងល្បឿនត្រឹម៦០ ប៉ូលីស ដាក់ថា៩០ ។
ការឃាត់រថយន្តខាងលើ ធ្វើឲ្យអ្នកដំណើរជាតិ នឹងអន្តរជាតិក្នុងរថយន្ត បានរអ៊ូរទាំ ខឹងទៅលើអ្នកបើកបរផង នឹងសមត្ថកិច្ចផង ព្រោះឲ្យធ្វើខកដំណើររបស់ពួកគាត់ ៕
មតិយោបល់