កាលពីឆ្នាំ ២០១៤ កន្លងទៅនេះ ក្រុមអ្នកជំនាញបានព្យាករណ៍ថា Facebook នឹងមកជំនួសតំណែង YouTube ដោយឡែកនៅពេលនេះ Twitter ក៏មិនបណ្ដោយឲ្យ Facebook ដណ្ដើមបានតំណែងនោះងាយៗផងដែរ។
យោងតាមការចុះផ្សាយរបស់ TechCrunch បានឲ្យដឹងថា Twitter នឹងដាក់ឲ្យប្រើប្រាស់សេវាកម្មវីដេអូនៅលើបណ្ដាញ Twitter ដែលមានឈ្មោះថា Twitter Video Player ដោយអាចឲ្យអ្នកប្រើបង្ហោះវីដេអូដែលមានរយៈពេលរហូតដល់ ១០នាទី ហើយចំណែកទំហំវិញគឺមិនកំណត់ ប៉ុន្តែវីដេអូទាំងនោះ ត្រូវតែ Upload ចូល Hosting របស់ Twitter ទើបអាចបង្ហោះបាន ពោលគឺមិនអាចយកវីដេអូពី YouTube មកបង្ហោះបាននោះទេ តែសេវាកម្មនេះនៅមិនទាន់ដឹងពីកាលបរិច្ឆេទនៃការដាក់ឲ្យប្រើនោះទេ។
ជាមួយគ្នានោះ Twitter ពុំអនុញ្ញាតឲ្យបញ្ចូលការផ្សព្វផ្សាយពាណិជ្ជកម្មផ្សេងឡើង ប៉ុន្តែអាចធ្វើការកែប្រែដោយខ្លួនឯងបាន និងអាចកំណត់ឲ្យនរណាឃើញក៏បានដែរ។
គួរបញ្ជាក់ផងដែរថា បច្ចុប្បន្ន Facebook បានដើរតួយ៉ាងសំខាន់ក្នុងការបង្ហោះវីដេអូ ដោយមិនចាញ់ YouTube ប៉ុន្មានឡើយ ដូច្នេះហើយទើបក្រុមអ្នកជំនាញបាននិយាយថា ថ្ងៃណាមួយ Facebook អាចនឹងក្លាយជាបណ្ដាញសង្គមវីដេអូធំជាង YouTube៕
ព័ត៌មានជាតិ
មតិយោបល់