បាត់ដំបង៖យ៉ាងហោចណាស់ក៍មានមនុស្ស៣នាក់ជាសាច់ញាតិនិងគ្នា បានស្លាប់បាត់បងជីវិតនៅកន្លែងកើតហេតុដោយសារគ្រោះថ្នាក់ចរាចរណ៍ រវាងម៉ូតូបុកជាមួយម៉ូតូដែលត្រូវជាសាច់ញាតិនិងគ្នា
ខណៈដែលម៉ូតូ១គ្រឿងទៀតបានរងចាំនៅលើចិញ្ចើមផ្លូវ តែដោយស្ថានភាពងងឹតផងនិងបើកក្នុងល្បឿនលឿនផង មើលម៉ូតូដែលឈប់មិនឃើញក៍បានបុកពេញទំហឹង ធ្វើឱ្យមនុស្សទាំងអស់ខ្ទាតរណូករណែលពេញផ្លូវ ពលរដ្ឋមកជួយដែរតែជនរងគ្រោះទាំងអស់បានដាច់ខ្យល់ស្លាប់ទាំងអស់គ្នាទៅហើយ។
ហេតុការណ៍នេះបានកើតឡើងនៅវេលាម៉ោង ១និង៣០នាទី រំលងអាធ្រាតឈានចូលថ្ងៃទី៥ខែមករាឆ្នាំ២០១៥នេះនៅចំណុចភូមិបឹងព្រីង ឃុំព្រែកតូច ស្រុក មោងឫស្សី ខេត្តបាត់ដំបង។
សមត្ថកិច្ចមូលដ្ធានបានឱ្យដឹងថា ជនរងគ្រោះទាំងបីនាក់ជាបងប្អូនបង្កើតនិងបងប្អូនជីដូនមួយនិងគ្នា មាន ទី១ឈ្មោះ តូច ណុង ភេទប្រុស អាយុ២២ឆ្នាំ ជាអ្នកបើកម៉ូតូធំ ម៉ាក HD.msx ព័ណក្រហម គ្មានស្លាកលេខ ទី២មានឈ្មោះ គោ ចិត្ត ភេទប្រុស អាយុ២៥ឆ្នាំ និងម្នាក់ទៀតមានឈ្មោះ ហេ សាហាវ ភេទប្រុស អាយុ២២ឆ្នាំ ជាអ្នកបើកម៉ូតូ ឌ្រីមសេ១២៥ព័ណខ្មៅសេរីឆ្នាំ២០១៤ អ្នកទាំងអស់គ្នារស់នៅភូមិកើតហេតុខាងលើ។
ប្រភពបានបន្តទៀតថា អ្នកទាំងអស់គ្នាត្រឡប់មកពីមើល គេសំដែងខនស៊ឺតនៅឯស្រុកកោះក្រឡ ខាងម៉ូតូឌ្រីមមកមុនក៍ឈប់ចាំ តែដោយយប់ងងឹតនិងម៉ូតូម៉ាក HD.msx បើកក្នុងល្បឿនលឿនផងមើលមិនឃើញក៍បានបុកយ៉ាងពេញទំហឹងបណ្តាលឱ្យស្លាប់ទាំង៣នាក់តែម្តង។ដោយសារសាច់ញាតិនិងគ្នាសមត្ថកិច្ចបានប្រគល់ម៉ូតូទាំងអស់និងសពឱ្យខាងក្រុមគ្រួសារធ្វើបុណ្យតាមប្រពៃណី៕
មតិយោបល់