ហុងកុង ជាទីក្រុងមួយដែលត្រូវបានគេទទួលស្គាល់ថា សម្បូរទៅដោយការរត់ពន្ធ ជាពិសេសគឺគ្រឿងអេឡិចត្រូនិច ដោយថ្មីៗនេះ អាជ្ញាធរហុងកុង បានចាប់ខ្លួនបុរសម្នាក់ផ្ទាល់នៅនឹងកន្លែង ពីបទរត់ពន្ធ iPhone ខុសច្បាប់។
អាជ្ញាធរមិនបានបញ្ជាក់អំពីអត្តសញ្ញាណរបស់បុរសនោះឡើយ គ្រាប់តែបញ្ជាក់ថា បុរសនោះបានរត់ពន្ធ iPhone ចំនួន ៩៤គ្រឿង ដោយរុំជាមួយនឹងថង់ប្លាស្ទិកហើយពាក់ជាប់នឹងខ្លួន រួចពាក់អាវពីលើ។ បុរសម្នាក់នេះត្រូវបានចាប់ខ្លួនកាលពីថ្ងៃទី១១ខែមករា ឆ្នាំ ២០១៥ ជាអ្នកដំណើរ ដែលតែងតែឡើងចុះទីក្រុងហុងកុងញឹកញាប់ និងជាមុខសញ្ញាចាស់។
គួរបញ្ជាក់ផងដែរថា កាលពី iPhone 6 និង iPhone 6Plus ចេញលក់នៅហុងកុងភ្លាម មានករណីរត់ពន្ធជាច្រើនបានកើតឡើង ហើយមិនមែនមានតែ iPhone នោះទេ ស្មាតហ្វូនដដៃទៀតក៏មានការរត់ពន្ធដូចគ្នាផងដែរ៕
មតិយោបល់