ថ្មីៗនេះ ប្រជាជនរស់នៅក្នុងវីឡាប្រណីត និងផ្ទះល្វែង ក្នុងទីក្រុងស៊ាងហៃ មានការព្រួយបារម្ភយ៉ាងខ្លាំង និងយល់ច្រឡំថា គន្លឺះទ្វារ ក្នុងផ្ទះល្វែងរបស់ខ្លួន បានបាត់បង់ ក្នុងអព្ភូតហេតុ មួយ ។ មុនដំបូងគន្លឺះទ្វារទាញបិទបើកនោះ បាត់តែ ១
ទៅ ២ តែប៉ុណ្ណោះ ប៉ុន្តែក្រោយមក ចំនួននេះ កាន់តែកើនឡើងរហូត បានធ្វើឲ្យមនុស្សរស់នៅក្នុងផ្ទះល្វែងក្នុងទីក្រុងស៊ាងហៃ បង្ខំចិត្ត ផ្តល់ព័ត៌មាន ឲ្យប៉ូលីស ចាត់ការ ។
បន្ទាប់ពីមានការស៊ើបអង្កេត ប៉ូលីសចាប់បានបុរសម្នាក់ ដែលលួចគន្លឹះទ្វារទាញ បិទបើកនោះ ។ តែអ្វីដែលគួរឲ្យប្លែក ពិរុទ្ធជន នោះ មានចំណេះដឹងពេញខ្លួន និងមានសញ្ញាបត្រ អនុបណ្ឌិតទៀត ។ ជនសង្ស័យរូបនេះ បានប្រាប់អាជ្ញាធរថា ដោយសារតែខ្លួន ខ្វះប្រាក់ទិញគន្លឹះទ្វារទាញបិទបើកទ្វារ ទើប ដាច់ចិត្ត ទៅលួចតាមផ្ទះល្វែងរបស់គេ យកមកតំឡើងនៅផ្ទះខ្លួន។
ប៉ូលីសបានឲ្យដឹងថា គន្លឺះទាញបិទបើកទ្វារនោះ ជនសង្ស័យនេះ លួចបាន ៣៦ តម្លៃប្រហែល ២០០០ យន់៕
ព័ត៌មានជាតិ
មតិយោបល់