កីឡាករ Angel Di Maria បាននិយាយថា ក្រុមអ្នកគាំទ្រគួរតែមានជំនឿ ជាមួយនឹងរចនាបទថ្មីរបស់ ក្លិប បិសាចក្រហម Manchester United ក្រោមដឹកនាំរបស់គ្រូបង្វឹក Louis van Gaal បើទោះបីជាមិនមានលក្ខណៈស្រដៀងទៅនឹង ក្រុមរបស់ Sir Alex Ferguson ក៏ដោយនោះ ។
បិសាចក្រហមនៅតែមានភាពមិនច្បាស់ប្រាកដ ក្រោយលោក Ferguson ចាកចេញ ប៉ុន្តែត្រូវបានរកឃើញ ក្រោការលេងរបស់ Van Gaal ។ អ្នកចាត់ការទូទៅ សញ្ជាតិហុល្លង់រូបនេះ បានជំនួសតំណែងលោក David Moyes ដោយកំពុងសាកល្បងជាមួយនឹងទម្រង់របស់ខ្លួន ដើម្បីឈានទៅរក ចំណុចកំពូលក្នុងក្របខណ្ឌ Premier League ។
បើទោះបីជាចាញ់ ក្នុងលទ្ធផល ១ ទល់នឹង ០ ក្នុងអំឡុងពេលប្រកួតជាមួយនឹង Southampton ដែលជាប្រកួតចុងក្រោយរបស់គេ តែ Van Gaal ស្ថិតនៅចំណាត់ថ្នាក់លេខ៤ ក្នុងតារាងដដែល ដែលអាចធានាសុវត្ថិភាពលេងក្នុងក្របខណ្ឌ Champions League នៅរដូវកាលក្រោយ។ ទន្ទឹមជាមួយនឹងគ្នានេះដែរ Di Maria បាននិយាយថា អ្នកគាំទ្រគួរតែមានជំនឿ លើក្រុមថ្មីរបស់ខ្លួន។
កីឡាករអាហ្សង់ទីនរូបនេះបានបន្តថា យើងកំពុងចាប់ផ្តើមអ្វីៗសារជាថ្មី ដោយលេងក្នុងរចនាបថថ្មី ជាមួយនឹងអ្នកចាត់ការទូទៅថ្មី ក្នុងនោះយើងកំពុងតែធ្វើការយ៉ាងលំបាក ដើម្បីទទួលបានលទ្ធផល ក្នុងកំពូលតារាង មកវិញ។ ម្យ៉ាងវិញទៀតមានមនុស្សជាច្រើននិយាយថា បិសាចក្រហម លេងក្នុងរចនាបទ មិនជាក់លាក់ ដូចនឹងបិសាចក្រហមចាស់ តែវាមិនដូច្នោះទេ ។ ដោយខណៈពេលនេះ បិសាចក្រហមអាចដណ្តើមបានលេខរៀងទី ៤ ក្នុងតារាង ដែលជាមហិច្ចតាមួយ មិនទាន់បញ្ចប់នៅឡើយ ។ ចាប់ពីរដូវកាលនេះទៅ យើងនឹងបានឃើញថា បិសាចក្រហម នឹងរីកចម្រើន ៕
មតិយោបល់