បណ្តាញ​ព័ត៌មាន អូស្ត្រាលី ដែលចុះផ្សាយនៅថ្ងៃទី ១៩ ខែ មករា ឆ្នាំ ២០១៥ នេះ បាន​ឲ្យដឹងថា ​មាន​ឯកសារជាច្រើនបានបង្ហាញថា ចិនបានលួច​​ព័ត៌មាន​យន្តហោះចម្បាំង F-35 Lightning II
ពីអូស្ត្រាលី​។​
ឯកសារ និង​អ្វីៗ ដែលទាក់ទងទៅនឹង F-35 Lightning II ត្រូវបាន​អតីតមន្ត្រី​​ស៊ើបការណ៍ ​ទីភ្នាក់ងារ​សន្តិសុខជាតិអាមេរិក លោក Edward Snowden បានបង្ហាញទៅកាន់ទស្សនាវដ្តី Der Spiegel របស់អាល្លឺម៉ង់ ។​

​ឯកសារ​ទាំងនោះ បានបង្ហាញថា ចិនជា​មេចោរ ដែលលួច​ព័ត៌មាន​យោធា ទាក់ទងទៅនឹង​យន្តហោះ ថ្មី រួមទាំងព័ត៌មានលម្អិត ដែលបង្ហាញពីរ៉ាដា និងព័ត៌មានជាច្រើនទៀត ទាក់ទងនឹងយន្តហោះ F-35 Lightning II ។​
ឯកសារ​ដែលបញ្ជាក់ដោយ Edward Snowden បានអះអាងថា ​ពេលនេះ អូស្ត្រាលីបានដឹងហើយ ថាចោរ​ជានរណា ដែលនេះជា​សំនួរដំបូងអំពី F-35 Lightning II ។
កាលពីសប្តាហ៍កន្លងទៅនេះ ចិនបានបង្ហាញយន្តហោះចម្បាំងរបស់ខ្លួន Chengdu J-20 និងជា​ជំនាន់ទី ៥ នៃយន្តហោះ របស់ខ្លួន ដែលមានប្រវត្តិទាក់ទងទៅនឹង F-35 Lightning II ។
អ្នកជំនាញបាននិយាយថា Chengdu J-20 គឺជា​យន្តហោះទំនើបបំផុតរបស់ចិន ៕​