សេអ៊ូល៖ សហនាយកប្រតិបត្តិក្រុមហ៊ុន Samsung និងជានាយកប្រតិបត្តិក្រុមហ៊ុន Samsung Mobile លោក J.K. Shin បានថ្លែងឲ្យដឹងនៅថ្ងៃចន្ទម្សិលមិញនេះថា ក្រុមហ៊ុនពុំមានបំណង ឬគោលការណ៍ទិញក្រុមហ៊ុន BlackBerry នោះទេ ប៉ុន្តែមានបំណងចង់សហការជាមួយ នេះបើយោងតាមការចុះផ្សាយរបស់ WSJ។
ការលើកឡើងបែបនេះ បន្ទាប់ពី Reuters បានចេញផ្សាយព័ត៌មានមួយថា ក្រុមហ៊ុន Samsung មានបំណងទិញ BlackBerry ក្នុងតម្លៃ ៧,៥ពាន់លានដុល្លារអាមេរិក ដោយព័ត៌មាននោះ ត្រូវបានជនអាណាមិកដែលជិតស្និទ្ធបានលួចបង្ហើបប្រាប់ Reuters។ លោក Shin បានបញ្ជាក់ថា Samsung បានគោលបំណងសហការជាមួយ BlackBerry ក្នុងការប្រើប្រាស់បច្ចេកវិទ្យា BlackBerry ជាមួយនឹងឧបករណ៍ Samsung ប៉ុន្តែមិនបានបញ្ជាក់ថា បានឈានដល់កិច្ចព្រមព្រៀងនោះទេ៕
មតិយោបល់