តូក្យូ៖ ក្រុមហ៊ុនផលិតរថយន្ត Toyota នៅតែជាក្រុមហ៊ុនផលិតរថយន្តដែលលក់បានច្រើនជាងគេបំផុតប្រចាំឆ្នាំ ដោយនៅឆ្នាំ ២០១៤ កន្លង​ទៅនេះ លក់បាន​ចំនួន ១០,២៣លានគ្រឿង។

តួលេខនៃការលក់នេះ បានយលឈ្នះក្រុមហ៊ុន Volkswagen ដែលលក់បានត្រឹមតែ ១០,១៤លានគ្រឿង និង​ GM លក់បានត្រឹមតែ ៩,៩២លានគ្រឿង។ ក្រុមហ៊ុន Toyota ក៏មានការព្រួយបារម្ភសម្រាប់ឆ្នាំ ២០១៥ នេះផងដែរ ដោយសារតែ​បង្ហាញមួយចំនួន ដោយ​អាច​លក់បានត្រឹម ១០,១៥លានគ្រឿង នៅក្នុងឆ្នាំនេះ។

គួរបញ្ជាក់ផងដែរថា ក្រុមហ៊ុន Toyota បានដណ្ដើមតំណែងក្រុមហ៊ុន GM ជាក្រុមហ៊ុនដែលលក់រថយន្តបានច្រើនជាងគេ​បំផុតប្រចាំ​ឆ្នាំ ចាប់​តាំងពីឆ្នាំ ២០០៨ ប៉ុន្តែក្រុមហ៊ុន Toyota បានបាត់បង់​តំណែងជើងឯក​ចំនួន ៣ដង ចាប់ពីឆ្នាំនោះរហូត​ដល់​បច្ចុប្បន្ន៕