ក្រុមហ៊ុនផលិតរថយន្តដ៏ល្បី Ford Motor Co បានបើកមជ្ឈមណ្ឌលស្រាវជ្រាវថ្មីមួយ នៅក្នុងតំបន់ Palo Alto រដ្ឋកាលីហ្វូញ៉ា សហរដ្ឋអាមេរិក ដើម្បីបង្កើនល្បឿនការអភិវឌ្ឍបច្ចេកវិទ្យា និងការពិសោធន៍ទៅលើផលិតផលមួយចំនួនដែលបានសម្រេច និងកំពុងតែផលិត។
ក្រុមហ៊ុន Ford បានបញ្ជាក់ឲ្យដឹងថា មជ្ឈមណ្ឌលស្រាវជ្រាវថ្មី នឹងត្រូវប្រគល់ឲ្យលោក Dragos Maciuca អតីតវិស្វករដ៏ល្បីរបស់ Apple ជាអ្នកគ្រប់គ្រង។
មជ្ឈមណ្ឌលស្រាវជ្រាវនេះនឹងផ្តោតលើគម្រោងដូចជាការធ្វើសមាហរណកម្មនៃរថយន្ត Ford សម្រាប់ប្រើជាមួយនឹងកម្មវិធី Nest ដែលជាគោលសំខាន់ ព្រោះ Ford ចង់ផ្ដោតលើការគ្រប់គ្រងផ្ទះ និងប្រព័ន្ធសង្គ្រោះបន្ទាន់ ខណៈដែលម្ចាស់ផ្ទះកំពុងបើកបររថយន្ត Ford នៅលើដងផ្លូវ៕
មតិយោបល់