ក្រុមហ៊ុនផ្គត់ផ្គង់គ្រឿងបរិក្ខាទូរគមនាគមន៍ចិន Huawei Technologies នៅថ្ងៃព្រហស្បតិ៍ម្សិលមិញ បានច្រានចោលព័ត៌មានថាខ្លួនបានចូលដៃជាមួយនឹងរដ្ឋាភិបាលចិន ដែលការច្រានចោលនេះត្រូវបានធ្វើឡើងក្រោយពីមានព័ត៌មានលេចឮមកថា Huawei បានផ្ដល់ព័ត៌មានផ្សេងៗឲ្យរដ្ឋាភិបាលចិន តាមការស្នើសុំ។
លោក Ren Zhengfei នាយកប្រតិបត្តិការ ក្រុមហ៊ុន Huawei បានថ្លែងថា “យើងពុំដែលទទួលបានការស្នើសុំពីរដ្ឋាភិបាលចិន ទៅលើឯកសារ និងទិន្នន័យផ្សេងៗនោះទេ”។ លោកបានបន្ថែមទៀតថា “យើងយកចិត្តទុកដាក់ចំពោះអតិថិជន ជាពិសេសគឺការសម្ងាត់បុគ្គលិក ហើយយើងក៏មានច្បាប់រក្សាសិទ្ធិឯកជនរបស់អតិថិជនផងដែរ”។
គួរបញ្ជាក់ផងដែរថា Huawei បង្កើតឡើងនៅឆ្នាំ ១៩៨៨ ដោយបច្ចុប្បន្នមានបានប្រតិបត្តិការលើប្រទេសចំនួន ១៧០ និងជាក្រុមហ៊ុនដែលផ្គត់ផ្គង់គ្រឿងបរិក្ខាទូរគមនាគមន៍ធំលំដាប់ទី២ បន្ទាប់ពីក្រុមហ៊ុន Ericsson របស់ស៊ុយអែត៕
មតិយោបល់